Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Ramën s'e ndalën as ambasadorët", Ylli Manjani: Opozita mos humbë kohë me Këshillin Politik, e ka betejën me vetveten

Politiko 22 Shtator 2020, 10:44

"Ramën s'e ndalën as ambasadorët", Ylli Manjani:

Ish-ministri i Drejtësisë, Ylli Manjani shprehet se opozita jashtëparlamentare është legjitime për të marrë çdo vendim, por sipas tij nuk ka kohë të humbasë me mbledhje koti në Këshillin Politik.

Në një reagim në rrjetet sociale, Manjani shkruan se përsa kohë opozita nuk ka asnjë mekanizëm në dorë për të ndalur marrëzitë e të marrëve në Këshillin Politik, s'ka më asnjë kuptim të harxhohet kohë me të, pasi sipas tij kryeministrin Rama nuk e ndalën as ambasadorët me konsesusin e arritur në tokën amerikane.

Manjani shton më tej se opozita nuk është në betejë me Ramën por me vetveten dhe duhet të bindë Shqiptarët të dalin të votojnë për të. Ai shprehet se vota është çështja dhe jo rrregullat e Pallatit të Kongreseve dhe se shqiptarët që duan ndërtimin e një politike tjetër, shteti jo partiak, demokracie reale dhe ekonomi të lirë janë më të shumtë, se ata që s'e duan Ramën.

Reagimi i plotë:

Vota është çështja.

========

Opozita zyrtare është padyshim legjitime të marrë çdo vendim, por për mendimin tim tashmë nuk ka kohë të humbasë me takime koti në atë palo Këshill Politik.

Këshill leshi!

Përsa kohë nuk ka asnjë mekanizëm në dorë për të ndalur marrëzitë e të marrëve, Këshilli Kolitik është thjesht këshill leshi!

Ndaj ska më asnjë kuptim të harxhohet kohë me të.

Se ja u arrit konsensusi mu në tokën Amerikane që e duan të gjithë, por marrëzia e ç'bëri. Edhe ambasadorët nuk patën fundshpinë mjaftueshëm për ta ndalur.

Prandaj ska më asnjë kuptim përpjekja që ti biem Damianit që të ndalet Rama...

Pffffff, absurde!

Beteja opozitare nuk është më me Ramën, as me rregullat e përçudnuara të zgjedhjeve. Beteja është me vetveten. Opozita duhet të bindë Shqiptarët të dalin të votojnë për të.

Shqiptarët që s'e duan Ramën janë shumë. Ata që duan ndërtimin e një politike tjetër, shteti jo partiak, demokracie reale dhe ekonomi të lirë janë më të shumtë.

Rotacioni është asgjë para asaj që kërkojnë shqiptarët.

Ndaj opozita nëse do të vijë në qeverisje duhet të bindë shqiptarët të votojnë për të.

Votat e bëjnë ndryshimin jo rregullat e Pallatit të Kongreseve që i përçudnon kongresi i partisë në pushtet! Le ta bëjë si të dojë sistemin e votimit marrëzia. Nëse janë votat kundër tij, ikën megjith sistem e tyspie e tepsi e timon e megjith çka.

Vota është çështja!

Opozita duhet të japë garanci që vota e hedhur në kuti nuk preket dhe se do numërohet ashtu siç është. Po këtë garanci duhet tua japë njerëzve jo Këshillit Politik. As ndrikullave pa fundshpinë diplomatikë, që rrinë squk para Ramës dhe bëjn si cuba para opozitës!

Nuk shkon më loja bajate me këshill politik, që duket sikur të gjithë aty janë në garë me Rudina Hajdarin.

Vendi ka nevojë për komandë, siguri, drejtim, alternative ndryshim!

Deklarimet te dera e Pallatit të Kongreseve çojnë ujë te mulliri i propagandës së Ramës, i cili e do opozitën në zyrë jo në rrugë, me Damianin dhe në garë me Rudinën, jo në komunikim me njerëzit që duan ndryshimin.

Unë kështu e shoh këtë punë.

Por, sigurisht opozita është në të drejtën e vet të zgjedhë cilën taktikë të dojë...