Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Raporti i Freedom House për Shqipërinë: Tahiri, i lidhur me bandat e drogës; Meta, simboli i korrupsionit

Politiko 11 Prill 2018, 08:30
Raporti i Freedom House për Shqipërinë: Tahiri, i lidhur me

“Freedom House” ka publikuar raportin e përvitshëm “vendet në tranzicion”, ku përfshin edhe Shqipërinë.

Në këtë raport, organizata e njohur i ka dhënë një hapësirë të konsiderueshme rastit të “cështjes Tahiri”, i akuzuar si i përfshirë në trafikun e drogës në bashkëpunim me bandën e drogës Habilaj, si dhe Ilir Metën, aktualisht president i republikës, të cilin e konsideron si simbolin e korrupsionit, nisur nga perceptimi i publikut.

PJesë nga raporti:  

Demokracia shqiptare mbeti në vend-numëro në 2017, pasi çdo hap përpara u kompensua nga një tjetër prapa.

Kështu, situata e qetë në zgjedhjet e 25 qershorit u parapri nga një bllokim politik midis opozitës dhe qeverisë gjatë katër muajve të parë të vitit 2017, të cilët e rrezikonin gjithë procesin zgjedhor.

Po ashtu, avancimi i punës në luftën kundër kanabisit u minua nga zbulimet se ish-ministri i Brendshëm Saimir Tahiri ishte i lidhur me një rrjet shqiptaro-italian të trafikimit të drogës. Arritjet në luftën kundër korrupsionit administrativ u kompensuan nga zgjedhja e Ilir Metës si president i Shqipërisë, i perceptuar nga shumë qytetarë si një simbol i korrupsionit, si dhe nga zgjedhjet me shumicë të thjeshtë në parlamentin shqiptar të Prokurorit të Përgjithshëm të përkohshëm më 18 dhjetor, gjë që dëmtoi seriozisht kredibilitetin dhe pavarësinë e prokurorisë.

Ka pasur disa përparime në vitin 2017 në luftën kundër korrupsionit administrativ dhe ryshfetit, veçanërisht në forcat e policisë. Ka pasur gjithashtu përparim në luftën kundër drogës, siç pasqyrohet në një reduktim të dukshëm të kultivimit të kanabisit. Arritjet e tilla u minuan në fillim të nëntorit nga refuzimi i parlamentit për një kërkesë nga Prokuroria për të hequr imunitetin e ish-ministrit të brendshëm Saimir Tahiri, në mënyrë që ai të mund të arrestohej pas dyshimeve nga autoritetet italiane të zbatimit të ligjit se ai ishte i lidhur me një rrjet shqiptaro-italian i trafikimit të drogës. Lufta kundër korrupsionit gjithashtu mori një goditje me zgjedhjen e Ilir Meta si President i Republikës më 28 prill, presidenca e të cilit u sigurua nga votat e Partisë Socialiste në pushtet. Në vitin 2011 Rama vetë e përshkroi Ilir Metën si simbol të gjithçkaje që ishte e kalbur në politikën shqiptare, një vlerësim që ndahet nga një pjesë e madhe e elektoratit shqiptar.

Rama i vetëm në qeverisje, “plotfuqishmëria” vuloset me zgjedhjen e Arta Markut

Freedom House për lirinë e shtypit: Pse u larguan nga puna drejtorët e Abc News dhe MAPO

Linku origjinal këtu

Të fundit