Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Raporti i Freedom House, Tabaku i përgjigjet Ramës: Dëshmon lidhjet e PS me kriminelët që vodhën zgjedhjet më 2017

Politiko 6 Maj 2020, 20:52

Raporti i Freedom House, Tabaku i përgjigjet Ramës: Dëshmon

Ish-deputetja, Jorida Tabaku ka reaguar pas deklaratave të kryeministrit Rama se Shqipëria është vendi me ideksin më pozitiv të lirive demokratike në Ballkanin Perëndimor.

Tabaku shkruan në Facebook se reagimi i kryeministrit Rama ka për qëllim të bëjë zhurmë “për t’i ikur përgjegjësisë së keqqeverisjes”. Sipas Tabakut në raportin e FH thuhet se PS e maxhoranca kanë lidhje me bandat kriminale në vend, që kanë blerë edhe zgjedhjet e vitit 2017. Ajo shton se në raport vihet në dukje po ashtu se mediat janë shndërruar në altoparlantë të qeverisë.

Reagimi i plotë

Kur e vërteta thërret propaganda bën zhurmë. Nën këtë moto duket se jeton dhe kryeministri, i cili me qëllim ngatërron raportet e Freedom House për t’i ikur përgjegjësisë për keqqeverisjen dhe mungesën e demokracisë.

Siç edhe çdokush mund ta faktojë në raportin e NTI të Freedom House, Shqipëria renditet si një demokraci hibride, ku bie në sy rënie në fushën e Qeverisjes Demokratike dhe Procesit Elektoral. Jemi aq mirë saqë renditemi në nivelet e Moldavise dhe Ukrainës.

Tani jo vetëm për shqiptarët por edhe për raportues ndërkombëtarë është e qartë se parlamenti I Shqipërisë ka degraduar aq sa është kthyer në noter të qeverisë. Procesi I ligjbërjes thuajse nuk ekziston më dhe se qeveria shqiptare ka pamundësuar rolin e një opozite në institucione.

Këto faktorë, sipas raportit që lexohet përsëprapthi nga kryeministri, ndikuan në djegien e mandative nga opozita. Sakaq, ato përgjime që kryeministri I quante shpifje raporti I konsideron provë që lidhnin direkt PS-në dhe mazhorancën me grupet kriminale që ndikuan në zgjedhjet e 2017 , një provë që vulos si të drejtë aktin e opozitës

Në tabelën e vlerësimeve Shqipëria ka vlerësim negativ në pavarësinë e gjyqësorit dhe pavarësinë e mediave. Për këtë të fundit raporti nënvizon se qeveria po përpiqet ta zhbëjë lirinë e mediave, pasi po përpiqet të tjetërsojë misionin e tyre duke I kthyer në altoparlantë të qeverisë.

E gjithë sa më sipër përkthehet në më pak demokraci, madje vetë raporti e tregon qartë se niveli I demokracisë në Shqipëri nuk është as 50%. Si për të treguar se realisht jemi kthyer në një shtet që po rropatemi të mbërrijmë në një gjysmëdemokraci.

Partia Demokratike do te beje cdo gje për të kthyer demokracinë, për t’i kthyer institucionet njerezve, për të vendosur shtetin ligjor dhe për të kthyer një normalitet pas një krize të tillë që vetëm autoritarët dhe diktatorët e prodhojnë. Shqipëria në prag të anëtaresimit në BE nuk mundet të jetë e tillë.

Shqipëria ka potencial të jashtëzakonshëm e do të jetë atje ku e meriton!

Ditë më të mira do te vijnë për Shqipërinë e shqiptarët!