Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Raporti i KE/ Rama ftesë Bashës dhe përgjigje Metës

Politiko 29 Maj 2019, 16:08
Raporti i KE/ Rama ftesë Bashës dhe përgjigje Metës

Kryeministri Edi Rama në një konferencë për median, krah ambasadorit të BE-së, Luigi Sorreca në Tiranë, i ka bërë thirrje Lulzim Bashës që të jenë bashkë bashkë përpara vendimit të Këshillit Europian, pas publikimit të progres raportit.

“Rekomandimi pozitiv pa kushte i Komisionit Europian për çeljen zyrtare të negociatave për anëtarësim të Shqipërisë me Bashkimin Europian, konfirmon se Shqipëria i ka kryer me sukses detyrat e shtëpisë në këtë proces. Aman një gjë është e sigurt nga raporti dhe këtë e kam apel për Lulzim Bashën dhe për atë pjesë të opozitës që është rrugëve. Deri në momentin e vendimmarrjes nga Këshilli Europian, është mirë të mendojmë për Shqipërinë jo për partinë. Të mendojmë për gjeneratën tjetër, jo për zgjedhjet e radhës, të mos furnizojmë ata që janë të lëkundur, apo në kërkim të arsyeve për të thënë jo, me pamje të gënjeshtërta që nuk pasqyrojnë realitetin nga Tirana, me pamje protestash që janë partiake jo popullore”, tha Rama.

Sa i përket gatishmërisë së presidentit Ilir Meta, për shtyrje të zgjedhjeve lokale, Rama u shpreh se nuk do të ketë shtyrje të tyre.

"Sa i përket presidentit, në këndvështrimin tim ka shprehur një gatishmëri për t’u vënë në dispozicion të një zgjidhjeje me pëlqimin e partive politike, sepse kështu e përcakton dhe kushtetua rolin e tij. PS dhe shumica qeverisëse nuk ka asnjë pëlqim lidhur me asnjë diskutim për shtyrjen e datës së zgjedhjeve. Kjo nuk ka lidhje me sforcon e respektueshme të presidentit, por me qëndrimin tonë të prerë dhe të qartë se 30 qershor nuk është çështja kush do të fitojë Bashkitë, por Shqipëria institucionale dhe Kushtetuese, e cila nuk mund të merret peng dhe t’ju nënshtrohet axhendave partiake. Në raport me presidentit them se duhet dhënë Çezarit, ajo që i takon Çezarit", tha Rama.

Të fundit