Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Raporti i UNICEF, çdo 2 minuta një fëmijë infektohet nga virusi HIV

Politiko 1 Dhjetor 2018, 16:49
Raporti i UNICEF, çdo 2 minuta një fëmijë infektohet nga

Çdo 2 minuta një fëmijë infektohet nga virusi HIV në botë. Rreth 700 adoleshentë ndërmjet moshës 10 dhe 19 vjeç  preken në ditë nga AIDS. Në të gjithë botën tre milion fëmijë janë prekur nga virusi HIV-pozitiv.

Të dhënat u bën publike në Ditën Botërore të AIDS, nga UNICEF në raportin e fëmijëve, HIV dhe AIDS: bota në vitin 2030. Parashikimet e raportit janë të frikshme. Nga viti 2019 deri në vitin 2030, rreth 360,000 adoleshentë do të vdesin nga sëmundjet e lidhura me AIDS.

Thënë ndryshe 76 të rinj do të humbasin jetën çdo ditë, pa investime të mëtejshme në parandalimin, diagnozën dhe programet e trajtimit të HIV. Bazuar në parashikimet e popullsisë dhe sipas tendencave aktuale, numri i infeksioneve të reja të HIV midis fëmijëve dhe të rinjve midis 0 dhe 19 vjet në 2030 do të arrijë rreth 270,000 raste, me një rënie prej një të tretës në krahasim me vlerësimet aktuale.

Situata e të prekurve nga virusi HIV paraqitet problematike edhe në vendin tonë. Besohet se rreth 1400 persona jetojnë në Shqipëri me virusin HIV, pjesa më e madhe e të prekurve janë burra. 100 raste të reja raportohen nga institucionet e shëndetit për vitin 2017.

Numri i njerëzve që kanë humbur jetën prej sëmundjes ka rënë nga 23 më 2016 në 15 në vitin 2017. Shqipëria vazhdon të ketë probleme në mbulimin e trajtimit mjekësor të të prekurve. Sipas të dhënave të organizatës UNAIDS, në Shqipëri vetëm 66 për qind e njerëzve të prekur nga HIV e dinë që janë të infektuar.

Rreth 42 për qind e të prekurve marrin trajtim mjekësor ndërsa 14 për qind e të sëmurëve mbartin virusin ngjitës.

Të fundit