Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Rastet ‘Pjetri’ dhe ‘Kajmaku’ nxorrën në dritë mangësitë e ligjit të dekriminalizimit”, Krasniqi: Të inkriminuarit nuk vijnë nga politika

Politiko 30 Gusht 2019, 16:02
“Rastet ‘Pjetri’ dhe ‘Kajmaku’ nxorrën

Analisti Afrim Krasniqi, në një prononcim për Dewtche Welle është ndalur te inkriminimi i politikanëve shqiptarë, duke e lidhur me dy rastet e fundit të dy kryetarëve socialistë në Bashkinë e Shkodrës dhe atë  të Vorës, të zgjedhur 2 muaj më parë në Zgjedhjet Lokale 2019, të cilët sipas opozitës, janë me rekorde kriminale.

Sipas Krasniqit këto raste evidentuan qartë mangësitë e ligjit të dekriminalizimit , që sipas tij duket qartë që nuk është funksional.

"Të gjithë të inkriminuarit e deritanishëm, deputetë në Parlament apo kryetarë bashkish, janë prurje aksidentale nga biznesi, lobimi dhe financimi elektoral. Asnjë prej tyre nuk është zgjedhur nga partitë politike përmes garës por janë diktuar nga lart, nga drejtuesit e partive. As deputetët që humbën mandatin për shkak të rekordeve kriminale, as ndonjë prej tyre që sot ndodhet në burg, as ish-kryetarët e bashkive të dorëhequr apo në listën e zezë të SHBA nuk janë përjashtuar nga partia e vet politike. Përkundrazi, ata janë deleguar në bazë dhe vijojnë të jenë aktivë në fushata elektorale , të ushtrojnë "de facto” më shumë ndikim në zonat e tyre lokale sesa ai që ushtronin kur ishin në parlament apo në vendimmarrjen politike. Ata vijojnë të jenë përfitues privilegjesh si ish-deputetë, ish kryetarë bashkish dhe në ndonjë rast edhe të rikandidojnë në zgjedhjet parlamentare apo lokale” thotë për DW, Prof. Krasniqi.

“Ligji ka mangësi. Ai penalizon ata që plotësojnë formularin e dekriminalizimit, në të cilin ka elementë kërkues që nuk janë në ligj. Rreth 40% e figurave publike që janë larguar për shkak të rekordeve kriminale, janë penalizuar jo nga ligji, por nga formulari, ” thotë Krasniqi.

Krasniqi shprehet se  reformimi i partive politike duhet t'i detyrojë ato,  përmes ligjit të partive, të bëjnë zgjedhje të brendshme konkurruese, të jenë transparente dhe të mbajnë përgjegjësi.  Duke u ndalur te roli i SPAK analisti thekson se ky do të jetë një faktor kyҫ, që do të ushtrojë presion të vazhdueshëm ndaj kryetarëve të partive për ta bërë të pamundur hyrjen në politikë të individëve me rekorde kriminale, por me fuqi të mëdha financiare dhe lobuese në politikë.

 

Të fundit