Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rasti i pazakontë: I mbijetoi sulmit nazist, rrëzimit të avionit, kancerit të gjirit, 99-vjeçarja i shpëton edhe covid-19

Politiko 17 Korrik 2020, 09:33

Një rast i pazakontë i një gruaje po bën xhiron e botës.

Pasi i mbijetoi një atentati nazist, rrëzimit nga aeroplani dhe kancerit të gjirit, tashmë një 99 vjeçare britanike fitoi një tjetër betejë të vështirë, përballjen me covid-19.

Michele Andrew ka treguar se nëna e saj, Joy Andrew, në moshë të thyer arriti t’ia dalë, pas një kujdesi intensiv pasi u infektua nga virusi i ri.

Ajo tha se e ëma, e cila jeton në azilin Haxby Road që nga viti 2013, doli pozitive për Covid-19 më 16 maj.

"Më 30 maj, shtëpia e pleqve më njoftoi se gjendja e saj nuk ishte aspak e mirë. Nëna nuk fliste, nuk hante apo pinte. Nivelet e saj të oksigjenit luhateshin shumë. Unë hyra për t'i dhënë nënës time një lamtumirë të fundit.

Ky nuk ishte fjalimi i parë në shtratin e vdekjes që unë isha thirrur të bëja, por isha e sigurt se do të ishte i fundit, por jo, ajo tregoi shpirtin e vërtetë luftarak ndërsa luftoi me virusin.

Nëna ime i mbijetoi një atentati në Gjermaninë e pasluftës nga shoferi i saj, i identifikuar më vonë si nazist, ajo mbijetoi në një përplasje në shkretëtirë si një nga hostet e para ajrore të BOAC, dhe u shpëtua nga beduinët, mbijetoi nga kanceri i gjirit. Ajo me siguri nuk do të lejonte që koronavirusi ta mposhtte ", tha e bija, ndërsa shpreson se në 22 nëntor do t’i festojë të ëmës 100-vjetorin e lindjes.

Andrew lindi dhe u rrit në veri të Londrës në vitet 1920 para se të bashkohej në Forcën Ajrore Ndihmuese të Grave si rreshtere gjatë luftës, ku ajo shërbeu në Sallën e Operacioneve në Komandën Bomber.

Të fundit