Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rasti Zaev nxorri zbuluar Ramën, rekordmenin e interesave të ngushta personale

Politiko 10 Korrik 2019, 15:12
Rasti Zaev nxorri zbuluar Ramën, rekordmenin e interesave të ngushta

Ish ministrja dhe deputetja e LSI-së, Klajda Gjosha, ka reaguar në lidhje me rastin e përgjimeve të kryeministrit të Maqedonisë së Veriut, Zoran Zaev.

Gjosha shkruan se ky rast nxorri në pah disa të vërteta që, sipas saj, diheshin. Në postimin e saj në facebook, ajo e vë theksin tek politikat e jashtme të Ballkanit Perëndimor, dhe rrezikut të qytetarëve të rajonit tonë, si dhe vetë BE-së.

Postimi i plotë

Përgjimet e Kryeministrit Zaev me Komedianët nxorrën në pah disa të vërteta të trishta që ndoshta të gjithë i dinim, diku i dëgjonim nën zë, por që ishte e vështirë të mbaje një qëndrim duke drejtuar gishtin mes personazheve të njohur të shpalosjes së idesë të shkëmbimit të kufijve të Kosovës, por edhe projekteve të tjera të rrezikshme si Serbia e Madhe!

Politika e Jashtme e Ballkanit Perëndimor duket se po devijon qartë nga perspektiva e përbashkët europiane dhe ky është rreziku më i madh që i kanoset qytetarëve të rajonit tonë por edhe vetë Bashkimit Europian. Aventurierët politikë që i shërbejnë sot interesave të ngushta personale, kanë harruar t’i shërbejnë me transparencë dhe përgjegjësi popujve të tyre! Ndoshta këtu kryeministri i vendit tonë do të thyente edhe rekordin!

Ballkani kërkon njerëz vizionar që në shekullin ku ne jetojmë të mos mendojnë për ndarje apo rishpërndarje kufijsh por mbi çdo gjë tjetër për gjetjen e vlerave të përbashkëta, bashkëpunimin ekonomik pa pengesa dhe respektimin e të drejtave të njeriut në cilindo vend ku ata jetojnë.

Ballkani i izoluar në vetvete dhe me lidera që mendojnë të ruajnë vetëm pushtetin dhe status quo-n e tyre, duke shkelur çdo prioritet kombëtar e rajonal, mund të kthehet shumë shpejt në një rajon që vë në rrezik stabilitetin dhe sigurinë europine!

Samiti i Berlinit duhet në mënyrë urgjente të pasojë me hapat e rradhës për të parandaluar këtë skenar që mund të na cojë drejt hapjes së “Kutisë së Pandorës”!

Të fundit