Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Reforma Zgjedhore, i mandatuari i opozitës shpjegon si u arrit ulja në tryezë me mazhorancën

Politiko 15 Janar 2020, 07:30
Reforma Zgjedhore, i mandatuari i opozitës shpjegon si u arrit ulja në

Ndër prej një viti kriza politike dukej shumë larg zgjidhjes, dje palët mazhorancë-opozitë dhe opozitë parlamentare janë ulur në një tryezë të përbashkët për të diskutuar Reformën Zgjedhore.

Opozita e bashkuar mandatoi dy përfaqësuesit e saj, Petrit Vasilin nga LSI dhe Oerd Bylykbashin nga PD.

Ky i fundit, i ftuar në studion e emisionit "Tempora" ka sqaruar arsyet se përse opozita u ul në tryezë me qeverinë për reformën zgjedhore.

Sipas tij, në dokumentin e firmosur janë plotësuar kushtet dhe pika e opozitës, e cila i ka thënë në fund të shtatorit.

“ Në fund të shtatorit 2019, PD bëri propozimin e planit me 5 pika. Ritheksonte deligjitimimin e parlamentit shqiptar, jo  vetëm si forumi ku debatohen ligjet, por edhe si një instrument i papranueshëm për të bërë reformën zgjedhore. Kjo reformë zgjedhore që do të sjellë disa garanci shtesë për zgjedhjet e shqiptarëve, sepse OSBE/ODIHR thotë se zgjedhjet e 30 qershorit nuk ishin zgjedhjet për shqiptarët.

Interesi i tyre u la mënjanë, nuk pati garë nuk pati mundësi zgjedhje. Ky parlament që i ka vënë vulën proceseve politike nuk mund të jetë ai që bën reformën zgjedhore. Për këtë arsye ne kërkuam që të bëhet reforma zgjedhore me konsensus. Konsensusi të qëndrojë i paprekur dhe ky të bëhet deri në miratimin në parlament të kodit zgjedhor sipas amendamenteve që do të bihej dakord në një instrument politik jashtë parlamentit.

Ne këtë e kemi thënë në shtator, kemi thënë që do jemi pjesë e reformës me këto kushte. Sot dokumenti i firmosur i përmban këto kushte dhe këto pika të opozitës një për një, të thëna në fundin e shtatorit.

Sot mazhoranca pranoi edhe nën presionin ndërkombëtar,  edhe me gjithë mediacionin ndërkombëtar, me atë që e dimë, kushtet që ka vendosur Bundestagu për hapjen e negociatave. Reformë zgjedhore, gjithëpërfshirëse me konsensus dhe më pas kjo reformë të testohet, në këtë presion mazhoranca çetoi”, u shpreh ish deputeti.

Të fundit