Flash News

Përfundon pa ndryshime rinumërimi i votave në Durrës

Zhduket pa gjurmë çobani në Delvinë

Italia ashpërson rregullat për qarkullimin e monopatinave

E pazakontë për kohën, mjegulla e dendur mbulon bregdetin e Vlorës

Aksident në aksin Shkodër -Lezhë, një i vdekur e 3 të plagosur

KRYESORE

Reforma Zgjedhore, Kryemadhi: LSI qëndrim të njëjtë me Bashën, të realizohet sa më parë

Politiko 22 Maj 2020, 16:16
Reforma Zgjedhore, Kryemadhi: LSI qëndrim të njëjtë me

Kryetarja e LSI-së, Monika Kryemadhi ka reaguar dhe shpreh të njëjtin qëndrim si kryeatari i PD-së, Lulzim Basha në lidhje me vijimin e reformës zgjedhore.

Sipas saj, kryetari i PD-së, Lulzim Basha ka folur në emër të opozitës së bashkuar.

Kryemadhi thekson se realizimi i Reformës Zgjedhore është prioritet i LSI dhe opozitës së bashkuar, ndërsa shtoi se shembja e Teatrit provokim i Edi Ramës për të sabotuar atë.

Reagimi i plotë

LSI nuk ka asnjë qëndrim të ndryshëm nga qëndrimi që ka bërë të njohur në emër të Opozitës së Bashkuar kryetari i PD-së zoti Lulzim Basha.

Përmbushja e të gjitha detyrimeve ndaj reformës zgjedhore ka qenë dhe mbetet prioriteti im si Kryetare e LSI-së, ndaj do të vazhdoj të bëj të gjithë presionin e nevojshëm, që ajo të realizohet me konsensus dhe sa më parë, si kusht i rëndësishëm për të rikthyer legjitimitetin e vullnetit të qytetarëve shqiptarë.

Shembja e paligjshme e Teatrit Kombëtar dhe përdorimi i dhunës policore mbi artistët, mbi gazetarët, mbi veprimtarët e shoqërisë civile dhe përfaqësuesit e opozitës, është provokimi i rradhës së Edi Ramës ndaj opozitës dhe qytetarëve shqiptarë, i cili edhe në sallën e Kuvendit vazhdoi me të njejtën gjuhë fyese dhe provokative, për të na detyruar të largohemi nga tryeza e reformës zgjedhore.

Por pavarësisht dhunës policore, pavarësisht gjuhës fyese, provokuese dhe urrejtjes së Edi Ramës, e ritheksoj edhe një herë se ne jemi të vendosur të realizojmë reformën zgjedhore dhe largimin përfundimtar të tij nga pushteti, si kusht për rikthimin e demokracisë në vend.

Lexo edhe:Basha për Reformën Zgjedhore: PD dhe opozita e bashkuar është e vendosur, nuk e kemi braktisur tryezën

Të fundit