Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Refugjatët, Mustafaj: Ose Europa po vendos pa pyetur Shqipërinë ose qeveria po bën negociata të fshehta dhe kjo është e rëndë

Politiko 20 Qershor 2018, 18:32
Refugjatët, Mustafaj: Ose Europa po vendos pa pyetur Shqipërinë

Ish-ministri i Jashtëm, Besnik Mustafaj, ka komentuar lajmet e raportuara së fundmi dehe në mediat ndërkombëtare sipas të cilave Shqipëria është një nga vendet kandidate ku do të ngrihen kampet për strehimin e refugjatëve.

“Jo vetëm këtu, pro dje dhe sot mediat gjermane dhe franceze, ‘Le Mond’ dhe ‘ZDF’, kanë folur për një punë të filluar tashmë. Për përgatitjet e qeverisë shqiptare për hapjen e kampeve. Ndërkaq, ne kemi një mohim nga ana e qeverisë për këtë projekt. Ose Europa po e merr përsipër këtë projekt pa pyetur qeverinë shqiptare, dhe kjo është e rëndë. Ose po bëhen negociata të fshehta, dhe kjo është shumë e rëndë”, u shpreh Mustafaj teksa ishte i ftuar në rubrikën ‘Opinion’ në ‘Neës24’.

Më tij, ish-ministri i Jashtëm tha gjithashtu se Shqipëria nuk i ka kapacitetet për të pritur 600 mijë refugjatë siç u shpreh një ditë më parë zëvendësministri.

“Pashë një deklaratë të zv.ministrit të Brendshëm se kemi kapacitet për të marrë 600 mijë refugjatë. Kjo është e papranueshme. Shqipëria nuk ka kapaciteteve logjistike për këtë gjë. Unë besoj se është e palejueshme që të pranohet një gjë e tillë. Kjo tregon se Europa është më e dobët se kurrë. Në Itali erdhën ekstremistët, Merkel, po vihet poshtë nga anti-rrymat, në Austri është në qeveri ekstremi i djathtë. Ky debat duhet të vijë në ri mishërimin që është parlamenti. Opozita duhet të thotë fjalën e saj. Qeveria duhet të bëjë transparencë. Shtypi serioz gjerman dhe francez, do të thotë se nuk është në periferinë e vendimmarrësve por në qendër të tyre”, deklaroi Mustafaj.

Të fundit