Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rëndësia e izolimit, studimi për Europën: Masat kufizuese kanë shpëtuar 59 mijë jetë njerëzish

Politiko 5 Prill 2020, 09:59

Rreth 59 mijë jetë njerëzish janë shëptuar falë masave të ndërmarra nga qeveritë për mbylljen dhe izolimin në Europë.

Përfundimi vjen pas një studimi të kolegjit “Imperial” në Londër, lidhur me masat shtrënguese për parandalimin e përhapjes së koronavirusit.

Sipas analizës, 370 vdekje tashmë janë shmangur në Mbretërinë e Bashkuar - ku ‘bllokimi’ hyri në fuqi vetëm një javë më parë - ndërsa në Itali janë shpëtuar 38,000 jetë deri më tani, pavarësisht numrit të lartë të viktimave.

Por studimi tregon gjithashtu se kontinenti mbetet ende në rrugën e "imunitetit të tufës", me anë të së cilës shumica e njerëzve janë shëruar apo imunizuar ndaj korononavirusit duke ndjekur modelin e njëra-tjetrës.

Sipas analizës në studim, konkludohet se rreth 43 milion njerëz mund të jenë infektuar me virus deri në 28 Mars.

"Virusi do të jetë në gjendje të përhapet me shpejtësi nëse hiqen ndërhyrjet," paralajmëruan studiuesit.

Raporti ka analizuar të dhënat në kohë reale nga Austria, Belgjika, Danimarka, Franca, Gjermania, Italia, Norvegjia, Spanja, Suedia, Zvicra dhe Mbretëria e Bashkuar. Pas analizës u përcaktua që ndërhyrjet e imponuara kanë zvogëluar shkallën riprodhuese të koronavirusit me 64 përqind në vlera mesatare.

Por numri i jetëve të shpëtuara nga ndërhyrjet varet nga dhe nga madhësia e epidemisë. Teksa në Itali rreth 38,000 vdekje janë shmangur, Spanja ka parandaluar 16,000 dhe Franca 2.600. Në vendet ku shpërthimi i koronavirusit mbetet shumë më i vogël këto shifra janë shumë më të ulëta.

Në Norvegji vlerësohet se rreth 10 jetë janë shpëtuar, ndërsa Danimarka ka parandaluar 69 viktima. Deri më tani këto vende kanë raportuar përkatësisht 32 dhe 77 vdekje.

"Evropianët, si shumë njerëz gjetkë, kanë ndryshuar stilin e jetesës thellësisht javët e fundit," tha Christl Donnelly, profesor i epidemiologjisë statistikore në Imperial dhe një nga autorët e studimit.

Sa jetë njerëzish janë shpëtuar prej masave kufizuese sipas shteteve

"Ky raport nxjerr një dëshmi të qartë të përfitimeve të këtyre masave distancuese sociale. Duke mbajtur distancën tonë nga njëri-tjetri, ne kufizojmë mundësitë që virusi të përhapet dhe të zvogëlojë rreziqet e sëmundjes dhe madje edhe vdekjen midis atyre që janë rreth nesh”, tha ai.

Por raporti nënvizon se është shumë shpejt për të përcaktuar ndikimet e ndërhyrjeve qeveritare në shkallën e vdekshmërisë, pasi vdekjet me pasojë koronavirusin kanë tendencë të ndodhin disa javë më vonë pasi personi është infektuar.

"Edhe pse numri i të vdekurve vazhdon të rritet, ne shohim sinjal të mjaftueshëm në të dhëna për të konkluduar se veprime të qëndrueshme, masa drastike të ndërmarra nga qeveritë evropiane tashmë kanë shpëtuar jetë duke zvogëluar numrin e infeksioneve të reja çdo ditë," tha Dr Seth Flaxman, ekspert në mësimin e makinerisë statistikore në Imperial.

Përshtatur nga The Telegraph