Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rënia nga kategoria, Bamir Topi: Tirana u asgjesua; shpëtimi jo në duart e Ramës, Bashës dhe Berishës

Politiko 29 Maj 2017, 09:03
Rënia nga kategoria, Bamir Topi: Tirana u asgjesua; shpëtimi jo

Ish-presidenti i Republikës, Bamir Topi ka komentuar rënien nga kategoria superiore të skuadrës së Tiranës. Për Topin, kjo ngjarje është asgjesimi i Tiranës nga politika, pa përjashtuar keqmenaxhimin e klubit nga presidenti Refik Halili.

Duke folur në emisionin “Procesi Sportiv” në Top Channel, Topi tha se ajo që po ndodh me skuadrën e futbollit të kryeqytetit është pasqyrë e realitetit të gjithë komunitetit tiranas. Kreu i FRD theksoi se ky komunitet është vyshkur dhe se shpëtimi i tij nuk mund të vijë nga politika, përfshirë këtu kryeministrin Edi Rama, kreun e opozitës Lulzim Basha dhe ish-kryeministrin Sali Berisha.

“Problemi i Tiranës në radhë të parë është politik dhe më lejoni ta quaj Tirona. Së dyti, komuniteti është vyshkur, nuk ka më solidaritet, është shfrytëzuar nga politika dhe sot, pas 27 vitesh, kemi një Tiranë të themeluar në 1920 dhe që mbërrin në këtë dramë. Politika e ka marrë në qafë sportin shqiptar dhe Tiranën, mjafton të kujtohet çfarë kanë bërë kryebashkiakët e shkuar të Tiranës. Tiranën duhet ta shpëtojnë tiranasit, jo politikanët. Nuk mundet ta menaxhojë një njeri i vetëm Tiranën, nuk është e mundur. Duhet një grup specialistësh, një grup donatorësh, një klub me shumë aksionerë. Tirana nuk duhet të jetë monopol, u bëj thirrje të gjithëve të dalin nga letargjia, të zgjohen e të mendojnë për Tiranën, sepse po e vrasim këtë klub. Nuk është problemi vetëm te presidenti aktual, ai merret me menaxhimin e klubit, por ka edhe probleme të tjera, politike. I them të gjithë tifozëve të Tiranës dhe sportdashësve normalë të vendit që asnjë skuadër futbolli mos prisni ta ngrejë Sali Berisha, Edi Rama dhe Lulzim Basha. Ky ishte asgjesimi politik i Tiranës”, u shpreh Topi.

Të fundit