Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Replika e Bashës me Xhafajn: Lexove fjalimin e vjetër të Saimir Tahirit, por faji nuk është i yti

Politiko 28 Shtator 2017, 16:53
Replika e Bashës me Xhafajn: Lexove fjalimin e vjetër të Saimir

Kreu i PD-së, Lulzim Basha ka replikuar me ministrin e Brendshëm, Fatmir Xhafaj, për situatën e krimit në Elbasan dhe në të gjithë Shqipërinë.

Basha tha se Xhafaj vijon të mbajë qëndrimin se “problemi është opozita dhe opozita po nxin vendin”, ndërkohë e konsideroi fjalimin e ministrit të ngjashëm me atë të paraardhësit të tij, Saimir Tahiri.

Kryeopozitari theksoi se faji për këtë situatë nuk është i Xhafajt por i Edi Ramës që e ka vendosur në atë post.

Replika:

Çfarë kuptuam nga z. Ministër i Brendshëm?! "Problemi është opozita. Opozita po nxin vendin." Kjo më kujton thënien e famshme popullore: “Kur gishti tregon hënën, budallai tregon gishtin!”

Problemi nuk është opozita. Problemi nuk është shpallja botërisht e të vërtetës:  që sot keni frikë ta thoni ju, grupi juaj parlamentar, këtë e denoncon vetëm opozita me zë të lartë.

Problemi është  kjo e vërtetë e dhimbshme, që sot rëndon mbi qytetin e tretë më të madh të Shqipërisë, që ka kyçur banorët dhe banoret e Elbasanit tash dy vjet nën terrorin e bandave të bëra njësh me politikën lokale të Qazim Sejdinit me mbështetjen e hapur të Edi Ramës dhe të segmenteve të tij në Elbasan.

Elbasani nuk është përjashtimi. E njëjta situatë është në Lezhë, në Shkodër, në Fier, në Lushnje, Vlorë. Krimi sundon Shqipërinë. Bandat sundojnë Shqipërinë.

Kjo nuk është propagandë. Nuk ka Partia Demokratike dhe opozita fuqinë të manipulojë raportet e EUROPOL-it, INTERPOL dhe agjencive ligj zbatuese të vendeve anëtare të Bashkimit Europian. Por ka vetëm fuqinë të tregojë të vërtetën këtu, para këtij parlamenti.

Fjalimi që lexove këtu ishte fjalimi i vjetër i Saimir Tahirit: analiza, ndjekja me vëmendje, ndjeshmëria.

Jo! Vetëm përballja. Por këtë ti nuk e bën dot.

Dhe për këtë nuk ke ti faj! Fajin e ka ai që të ka vënë aty.

Ti je në konflikt interesi! Dhe natyrisht ai që të vuri është i ka​pur

Të fundit