Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Replika me Biberajn/ “Ke prova që jam i korruptuar?”, ish-ministri ‘ i hap sytë’ Ramës: Ja ku e ke!

Politiko 9 Prill 2019, 11:33
Replika me Biberajn/ “Ke prova që jam i korruptuar?”,

Ish-ministri i Drejtësisë, Ylli Manjani komenton replikën e kryeministrit Edi Rama me Elez Biberajn, drejtorin për Euroazinë në ‘Zërin e Amerikës’, pasi e cilësoi si të korruptuar dhe autoritar në ceremoninë e përvjetorit të 110-të të gazetës “Dielli”.

Dje, Rama iu përgjigj me sfidë Biberajt duke e pyetur nëse ka prova që ai është i korruptuar.

Në rrjetet sociale, Manjani i tregon rastin më të “freskët”, përplasjen që po ndodh prej dy ditësh në zonën e Bregut të Lumit mes policisë dhe banorëve. Ndaj këtyre të fundit është ushtruar dhunë, e janë nxjerrë nga shtëpitë e tyre me gaz lotsjellës, ndërsa tre prej tyre kanë përfunduar në Spitalin e Traumës.

“Ja ku i ka, te Bregu i Lumit! Një mosmarrëveshje që duhet ta zgjidhte gjykata e zgjidh Qeveria me policë!!! Kjo është prova e një qeverie AUTOKRATIKE, krejt e papërgjegjshme dhe në injorim të plotë të ligjeve të shtetit. Në shtetin ku policia bën ligjin dhe gjyqin, sundon diktati!|, shkruan ndër të tjera Manjani.

Reagimi:

Burri që i mungon shtetit.Dje i kërkonte prova Elez Biberajt.

Ja ku i ka, te Bregu i Lumit! Një mosmarrëveshje që duhet ta zgjidhte gjykata e zgjidh Qeveria me policë!!!

Policia qartësisht nën urdhra politike arreston njerëz natën në shtëpitë e tyre. Krejt pa ligj!!!

Dhe jo vetëm mbrëmë por shumë herë të tjera. Natën në shtëpi, me maska e skafandra, pa vendim gjykate në shkelje të plotë të Kushtetutës e ligjeve, policia e (pu)shtetit të sotëm u shkon qytetarëve e i arreston.

Le pastaj telendisja publike që bëjnë me njoftimet për shtyp. Nga njoftimet e tyre e kupton qartë që s’kanë asnjë lidhje me ligjin. “Policia procedon penalisht...” ose “ policia po heton krimin...” janë shprehje që nuk ka asnjë ligj që i justifikon!

Kjo është prova e një qeverie AUTOKRATIKE, krejt e papërgjegjshme dhe në injorim të plotë të ligjeve të shtetit. Në shtetin ku policia bën ligjin dhe gjyqin, sundon diktati!

Ndërsa vendimet për prishje shtëpish apo ndërtesash e mjedisesh publike për t’u përdorur për qëllime private, të cilat merren pa proces, pa debat e pa transparencë janë prova e ARROGANCËS! Njëkohësisht edhe dyshim i arsyeshëm i korrupsionit.

Këtë të fundit, jam dakord që kur individualizohet duhet ta provojë dikush. Në kushte normale duhet të ishte Prokuroria, por...

Nga ana tjetër, bie fjala, konkluzioni krejt personal i Kryeministrit se “godina e Teatrit Kombëtar nuk ka asnjë vlerë”, pa dyshim që gjykohet nga publiku si sjellje arrogante e Edi Ramës. Kjo sepse ai nuk është as kryearkitekt, as Institut Monumentesh, as Akademi Shkencash, as Bordi i Trashëgimisë kulturore e as Ministër Kulture. Gjykon thjesht si individ, por në dallim nga individët e tjerë me fuqi vendimmarrëse.

Ndaj nuk ka kuptim të gjykohet e kritikohet askush tjetër përveç Edi Ramës. Sepse konkluzioni dhe vendimet përkatëse janë të Tij.

Kur individualizohet pushteti, sigurisht që kritikat dhe dyshimet shkojnë drejt individit. Kjo është e logjikshme, jo e qëllimshme. Megjithë bindjen e thellë që kam se çakejtë rreth e rrotull bëjnë namin, prapë përgjegjësia shkon natyrshëm tek individi që drejton e flet në vetën e parë.

Shteti, institucionet e tij, nga ana tjetër duhet të sqarojnë dyshimet e çdo shkelje ligji, çdo abuzimi dhe çdo sjellje brutale.

Kur shteti nuk e sqaron dyshimin, perceptimi publik mbi të (dyshimin) është krejt legjitim. Këtë perceptim ska gjykatë që e korrekton më...

Ndaj burrat e shtetit dhe politikanët e përgjegjshëm përpiqen gjithnjë të qeverisin mirë që të trajtojnë perceptimin dhe jo t’u përgjigjen gazetarëve apo kritikëve.

Nuk kam dëgjuar deri më sot ndonjë burrë shteti të merret vetë apo të hedhë në gjyq ata që e kritikojnë.

Të fundit