Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rexhep Qosja merr në mbrojtje Saimir Tahirin: Akuza të rrejshme dhe të trilluara. Basha dhe Kryemadhi të mos flasin

Politiko 5 Janar 2018, 11:24

Rexhep Qosja merr në mbrojtje Saimir Tahirin: Akuza të rrejshme dhe

Akademiku Rexhep Qosja i ka dhënë mbështetje ish-ministrit të Brendshëm, Saimir Tahiri, më të madhe se edhe vetë kryeministri Edi Rama. Në një intervistë për ‘Gazetën Shqiptare’, Qosja thekson se pjesa më e madhe e akuzave ndaj Tahirit janë të rrejshme dhe të trilluara, ndërsa shpreh shqetësimin se ish-ministrit po i shkelen të drejtat themelore.

Akademiku kërkon edhe heshtjen e opozitës për këtë çështje, duke kërkuar që Lulzim Basha dhe Monika Kryemadhi të mos vijojnë më me akuzat ndaj Tahirit, pasi në këtë mënyrë tregojnë urrejtjen që kanë ndaj kryeministrit Rama.

I çuditshëm është fakti se Qosja ngre shqetësimin për shkeljen e standardeve evropiane kur bëhet fjalë për akuzat ndaj Tahirit, por nuk flet për të njëjtat standarde dhe madje nuk komenton dokumentat e autoriteteve italiane, audio-përgjimet e publikuara dy ditë më parë dhe mbushjen e vendit me kanabis, të cilat përbajnë fakte të mjaftueshme për një politikan (nw Europw) që të dorëhiqet nga detyra e deputetit dhe të përballet si qytetar i thjeshtë me drejtësinë.

Pjesë nga intervista e Rexhep Qoses:

Nuk jam prokuror publik; nuk jam as gjykatës. Saimir Tahiri, them, mund të jetë fajtor për çka akuzohet e mund të jetë i pafajshëm. Unë respektoj një paragraf juridik pamatshëm të rëndësishëm për drejtësinë dhe për demokracinë dhe ky është paragrafi në Kushtetutën e SHBA-së në të cilin thuhet: çdo kush është i pafajshëm derisa të mos dëshmohet fajësia e tij. Saimir Tahirit, një njeriu politik inteligjent, të aftë, ndoshta më pak vigjilent se çdo të duhej në detyrën e ministrit të Punëve të Brendshme, qe sa muaj, ndoshta gati qe një vit, po i shkelen egër, egër të drejtat e njeriut duke u shkelur njëkohësisht prej akuzuesve të tij ligje e Kushtetuta e Republikës së Shqipërisë. Dhe, po i shkelen prej prijësve të opozitës, prej prijësve e bashkëpunëtorëve të tyre të PD-së dhe LSI-së. Kryetari i sotëm i PD-së dhe kryetari i mëparshëm i PD-së, bashkëpunëtorët e tyre më të afërm të tyre në PD, kryetarja e sotme dhe kryetari i para disa muajve i LSI-së dhe bashkëpunëtorët e tyre më të afërm po e akuzojnë Saimir Tahirin jo si njerëz politikë, por si prokuror dhe si gjykatës, si gjykatës që e kanë sjellë verdiktin e fundit për Saimir Tahirin! Fjalët e tyre, akuzat e tyre ndaj Saimir Tahirit, në pjesën më të madhe të rasteve të mbështetura në të dhëna të rrejshme, të trilluara, në të vërtetë përmbajnë gjithë urrejtjen e tyre ndaj qeverisë së Edi Ramës, në mënyrë të veçantë ndaj Edi Ramës, por të mbuluar me emrin Saimir Tahiri! Rasti i Saimir Tahirit është rast, i shpikur a i ndodhur ende nuk dihet, me të cilin asnjë minutë nuk do të duhej të merrej njeriu politik, prijësi partiak a bashkëpunëtori i prijësit partiak. Duke ia shkelur të drejtat më elementare njerëzore, duke e fyer, duke e përulur, duke e hequr zvarrë nëpër baltën e akuzave, që mund të dalin shpifje apo të vërteta vetëm gjykata do ta tregojë, këta njerëz politikë vetëm sa po tregojnë se sa larg prej nesh janë standardet dhe vlerat demokratike e juridike evropiane, dhe se sa gjatë do të jemi të prirur prej primitivizmit ballkanik, në të vërtetë prej primitivizmit të urrejtësve tanë të ndryshëm!