Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rexhepi te rraja e zgjedhjeve të rëna dhe Basha te rrënjët e zgjidhjes

Politiko 3 Tetor 2018, 20:06

Rexhepi te rraja e zgjedhjeve të rëna dhe Basha te rrënjët e

Alfred Lela

Gegët përdorin fjalën rraja ose rranja për variantin tosk të letrarizuar rrënjët. Gjithë këto ditë, teksa mbiemri Rraja u bënë më i lakuari (Rilindja është përfundimisht 'shtëpia më e famshme në Shqipëri'), kush ka një prirje filologjike (dashuri për gjuhën), ndoshta i është afruar qasjes se, sa shumë tipologjia rraja, e fortpërkrahur nga Kryeministri që prej zgjedhjeve të 2013, shpjegon rrënjët e shumë fenomeneve që i janë prezantuar Shqipërisë bashkë me Rilindjen.

Më flagranti dhe abuzivi i këtyre fenomeneve është prishja e zgjedhjeve. Që ka çuar në rënie të tyre. Duhet thënë që në krye se, në kutitë e votimit, qoshkat kufizuar me perde apo edhe në infrastrukturën zgjedhore (ndikimit te vota me anë formash jodemokratike) janë futur duart që herët. Ndoshta fillimi i këtij zhbalancimi të së drejtës universale dhe private të njeriut për të patur një zë në pushtet janë zgjedhjet e vitit 1946, kur përballë ishin komunistët me partitë e tjera, kryesisht nacionaliste. Dredhia e komunistëve për të kuptuar se kush votonte kundër tyre u zgjidh duke i bërë kutitë e votimit prej teneqeje, në mënyrë që të dëgjohej se 'vota e kujt nuk kërciste për Frontin'. Asokohe votohej duke hedhur një kokër në kuti.

Tani 'vota për Frontin' kërcet në një mënyrë tjetër. Janë sjellë shembuj të shumtë të trysninë, frikësimit, blerjes së votës, por as ilustrimet, as raportet e vëzhguesve ndërkombëtarë, asgjë, nuk ka peshuar më shumë në vërtetimin e brerjes së këtij dyshimi se sa përbërja e trupës përfaqësuese politike të Rilindjes, si në Kuvend, në pushtetin lokal, nëpër drejtori të rëndësishme etj. Nevoja për prova, për gjurmë, bie kur para syve shfaqet ujku.

Sikur të mos mjaftonte kaq, si një shërbim i papritur për të vërtetën nga burimi më i pagjasë, ka ardhur një shenjë tjetër e sindromës së kapjes apo rënies së zgjedhjeve. Rexhep Rraja, i biri i një deputeti socialist, përfshirë në një skandal ku përzihen dhuna, politika dhe erosi, ka lëshuar para kamerave shpalljen fatale drejtuar kryetarit të opozitës. 'Lulzim Basha, do ta shohë në zgjedhje', ka thënë Rraja me nota kërcënimi e rivendikimi (hakmarrjeje). Ky përbetim është transmetuar dhe komentuar, por jo aq sa duhet. Shumë më pak se duhet.

Në vetvete, dialogu i hapur nga një i arrestuar me kredite të vetat në botën e parapolitikës me kryetarin e opozitës (në krye të forcave që duan të marrin një ditë pushtetin nëpërmjet votës), është elementi më alarmant i gjithë 'Dosjes Rr'. Më shumë se dhuna mbi Xhisielën, prania kërcënuese në zyrat e Policisë e dy deputetëve dhe një kryebashkiaku (gjithnjë sipas nënkomisarit Nuhu), dhe të gjitha elementët që kanë rrjedhur para publikut që prej dëshmisë së ish-oficerit të policisë.

Deklarata për luftë në zgjedhjet e ardhshme e Rexhep Rrajës kundër kryeministrit në hije të Shqipërisë, shefit të një partie që e ka qeverisur vendin më shumë se gjysmën e tranzicionit, nuk tregon vetëm impulset apo vetëbesimin e një gangsteri nga Nikla. Krejt tjetër, dëshmon afrimitetin e fiseve, lokaliteteve dhe personazheve të forta, parapolitike me shtetin dhe pushtetin që e drejton. Flet për një 'besë të zezë', për një kod mafioz, për një lidhje 'intime' mes një krahu politik dhe falangave diverse që e shtyjnë atë drejt shumicës në parlament dhe drejt pushtetit.

Ky është një alarm për zgjedhjet e radhës, dhe të gjitha zgjedhjet e ardhshme në Shqipëri, nëse nuk ka një vullnet, një zgjidhje dhe një exit nga kjo aleancë. Bashës dhe opozitës i mbetet ky si imperativi i kohës dhe i fatit politik të forcave që drejton.

Nëse nuk e pret këtë nyjë gordiane që ka lidhur çdo liri zgjedhore, civile dhe politike, ai do të mbetet kryeministri në hije për nuk dihet sa. Ndër të tjera i duhet të kërkojë Aleancën e Shoqërisë, përkundër Aleancës së Qelbësirave.