Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Romani i fundit nga autorja e “Fifty Shades”, reagon ambasadori i Shqipërisë në Britani: Portretizim negativ i shqiptarëve

Politiko 21 Prill 2019, 16:25
Romani i fundit nga autorja e “Fifty Shades”, reagon ambasadori i

Romani i fundit erotik nga shkrimtarja britanike EL James, “The Mister”, ka shkaktuar një reagime nga ambasadori i Shqipërisë në Britani, pasi sipas tij, libri e portretizon Shqipërinë si një vend negative.

Qirjako Qirko, ambasadori shqiptar në Londër, tha se libri i tregon bashkatdhetarët e tij si kriminelë primitivë dhe krijon perceptime negative.

Për “The Telegraph”, ai tha se portretizimi i shqiptarëve në këtë libër ishte 'krejtësisht jorealist'.

"Më vjen keq që ekziston një roman me këtë informacion që krijon perceptime të tilla negative për vendin tim. Shqiptarët janë njerëzit më të mirë që do të takoheni në jetën tuaj, më miqësore”, u shpreh Qirko.

Qirko tha se kishte 120,000 shqiptarë në Britani, por tha se çdo kriminel midis tyre ishte 'vetëm disa individë'.

Në libër, personazhi shqiptar, Alessia Demachi, punon si pastruese në një shtëpi aristokratësh, pasi u trafikua në Britani të Madhe.

Ajo gjithashtu përballet me presion të dhunshëm të babait të saj për t'u martuar me të fejuarin, i cili dëshiron që ajo të jetë një grua tradicionale shqiptare.

Biznesmenët shqiptarë të turizmit janë përpjekur të rrisin reputacionin e vendit të tyre me një fushatë të titulluar "Taken from Albania", titull që i është referuar filmit ‘Taken’ në të cilin vajza e Liam Neeson rrëmbehet nga kontrabandistët shqiptarë.

Zyrtarët e turizmit pranojnë se Shqipëria është parë si një ‘parajsë’ për banditë, kriminelë dhe gangsterë në kulturën popullore, por ata këmbëngulin se reputacioni i vendit është tërësisht i pavërtetë, duke thënë se Shqipëria është një vend "i bukur dhe tepër i sigurt për tu vizituar dhe jetuar".

Të fundit