Flash News

Rrëzohet nga ballkoni 4-vjeçarja në Lezhë, dërgohet me urgjencë te Trauma

Tjetër aksident me monopatinë në Tiranë, makina përplas një 17-vjeçar

Po lahej në det, humb jetën pushuesi në Durrës

PD: Qytetarët presin bonusin e qirasë dhe banesat, Bashkia e Tiranës bën tendera për mobilie

Posta e mëngjesit/ Me 2 rreshta: Çfarë pati rëndësi dje në Shqipëri

KRYESORE

Romeo Gurakuqi: Detyra e opozitës, të çmontojë lidhjet e pushtetit me krimin

Politiko 25 Korrik 2020, 16:13

Romeo Gurakuqi: Detyra e opozitës, të çmontojë lidhjet e

Nga Romeo Gurakuqi

Çmontimi i strukturave institucionale anti-kushtetuese, që krijoi këto vite PS- ja me mbështetjen e Kastës së të privilegjuarve të pushtetit dhe krimit të organizuar është mision në zhvillim e sipër i Opozitës Demokratike.

PDSH si forcë udhëheqëse e Qendrës së Djathtë në Shqipëri, në respekt të të drejtave të qytetarëve dhe programit të saj të kahershëm politik për reformimin e shtetit përkah europianizimi, mbrëmë ka shpalosur platformën e vet të argumentueme për zgjedhjen e drejtpërdrejtë të deputetëve nga populli, brenda sistemit proporcional regjional.

Një hap i rëndësishëm në përputhjen e Atdheut Legal me Atdheu Real, që i heq Pashait të Surrelit maskën me të cilën ka veshur pushtetin e tij jolegjitim.

Mbeten për t’u shtruar dhe argumentuar mbi tavolinën e Këshillit të Stabilizimit Politik, një numër çështjesh që do pastrojnë procesin elektoral nga kapja e Organizatës Mafioze të Rilindjes, nga të cilat do të veçoja si me emergjente:

Vendosjen e balancës strikte mes Rajoneve në numrat e kolegjeve të deputetëve, bazuar mbi dy kritere: (a)numrin e zgjedhësve për çdo qark dhe (b)përfaqësinë e plotë të komuniteteve në organin sovrane (ekzistenca e tyre nuk mund të injorohet as sakrifikohet për arsye kompromisesh), duke përllogaritur me saktësi ekzistencën e fëmijeve dhe familjeve tona, që jetojnë jashtë, por që janë pjesë e regjistrit të gjendjes civile;

Një Pakt për çmontimin e sistemit të patronazhit ilegal, që PS ka krijuar mbi të gjitha hallkat e administratës shtetërore, përmes të cilit sistem ajo kontrollon dhe imponon paraprakisht, nga një monitor brenda Selise Rozë, votën e familjeve, të afërmve të njerëzve të administratës, në një sistem të programuar piramidal në çdo cep të vendit;

Rivendosjen e parashikimeve strikte mbi respektimin e Shtetit Shekullar në çdo cep të jetës publike dhe çlirimi i këshillimit politik të partive nga grupe njerëzish me sfonde jo albanianiste formacioni;

Depolitizimin e Policisë së Shtetit dhe rivlerësimin nga e para të Vetingut të Drejtuesve të lartë të atij institucioni, që duhet të rivendoset nën kontrollin e profesionistëve të afirmuar( Koha për risjelljen e Bajram Ibrajt në krye të këtij institucioni të pavarur dhe largimi i kamikazëve, që mbytën me gaz dhe dhunë qytetarët);

Ndalimin e financimeve kriminale të fushatave elektorale përmes ndryshimeve përkatëse në Kodin Penal të RSH. Garantimi nga ana e Policisë së Shtetit të ndërprerjes së Strukturave private të blerjes së votave, të cilat shkatërruan votimet në 7 vitet e fundit.

Për t’u ndalur tek Shkodra:

Rikthimi i legalitetit të institucioneve përfaqësuese krahinore mbetet një kërkesë deri në britmë e komunitetit: zgjedhje të plota në Shkodër, për ekzekutivin dhe parlamentin krahinor sa më parë. Në një vit është shkatërruar çdo konventë historike mbi bazën e së cilës është drejtuar ky vend në kohë lirie.

I bëj thirrje Presidentit të Republikës të ushtrojë funksionet për negocimin dhe zgjidhjen sa më shpejt të krizës së mospërfaqësisë në Bashkinë e Shkodrës. Kjo thirrje i drejtohet për arsye të detyrës, që mbulon, detyrë e cila kërkon, që ligjshmëria dhe sovraniteti të respektohet në çdo cep të Shqiperisë. Dhe Shkodra nuk është cep, por një kryeqendër me 3000 vite jetë. Edhe kur Shqipëria u çlirua nga okupacioni osman në vitin 1913, Këshilli i Admiraleve, para gjithë vendeve të tjera të Shqipërisë, zgjidhi çështjen e ndërtimit të një pushteti të gjithë – pranuem në Shkodër. 107 vite më vonë, zotnuesit e pushtetit në Tiranë, heshtin para kolapsit të pushtetit legjitim në Shkodër, zhveshjes së organeve qeveritare të kryeqendrës së Gegnisë dhe lënien e vendimarrjes në duar të forcave okulte të lidhura me pushtetin e Edi Rama, që ndjellin panik dhe mungesë shprese mes qytetarëve.

Rindërtimi nga e para e gjithë kupoles drejtuese të policisë vendore në Qarkun e Shkodrës, sa më shpejt, është një kërkesë që komuniteti që sheh, kupton por nuk flet dot, por e kërkon me ngulm. Referimi ndaj organeve të inteligjencës policore për këtë çështje shumë sensitive për Shkodrën mbetet një detyrim ligjor i vendimarrësve të MPB.

“Kutia” e Reformava është hapur, por Edi Rama nuk duhet të lihet më të fusë duart dhe t’i trazojë detyrat korigjuese, siç ai dhe mjeshtrat rreth tij dijnë. Sot opozita është dirigjenca e ndryshimit dhe europianizimit.