Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rreziku nga Covid-19, Eurostat: Italia, Spanja dhe Gjermania me popullsinë më të plakur në Europë

Politiko 3 Prill 2020, 08:24

Europa avancoi më shumë drejt plakjes në vitin 2019 teksa popullsia mbi 65 vjeç përbente 20,3 % të totalit të popullsisë në vendet e BE, sipas të dhënave të Eurostat.

Shqipëria edhe pse avancon me shpejtësi më të madhe se BE drejt plakjes ende konsiderohet me një popullsi me të re në moshë. Popullsia mbi 65 vjeç në janar të vitit 2020 përbënte 14.7 për qind të totalit të popullsisë ne vendin tone.

Në raport me një vit më parë të plakurit e Shqipërisë u shtuan me 0,3 pikë përqindje, ndërsa në raport me një dekadë më parë kjo grupmoshë u rrit me 4 %. Në vitin 2001 popullsia mbi 65 vjeç në Shqipëri përbente vetëm 7.6 % të totalit të popullsisë.

Popullsia mbi 65 vjeç në Europe me 2019 u rrit 0.3 pikë përqindje në raport me vitin 2018 dhe me 2,9 pikë përqindje në raport me 10 vite më parë.

Eurostat e bëri këtë analizë për të parë se sa për qind e Europës është target direkt i coronavirusit.

Në të gjithë shtetet anëtare të BE-së, pjesa më e madhe e  moshuarve në raport me popullsinë e përgjithshme në vitin 2019 u vërejt në Itali (22.8%), e ndjekur nga Greqia (22.0%), Portugalia dhe Finlanda (21.8% secila), Gjermania (21.5%) dhe Bullgaria (21.3%).

Niveli më i ulët i popullsisë mbi 65 vjeç u vërejt në Irlandë (14.1%) dhe në Luksemburg (14.4%).

Në nivelin rajonal, përqindjet më të larta të personave të moshuar u gjetën në Chemnitz (28.9%) në Gjermani, e ndjekur nga Liguria (28.5%) në Itali, Ipeiros (27.0%) në Greqi, Limousin (26.7%) në Francë dhe Sachsen-Anhalt (26.5%) në Gjermani.

Nivelet  më të ulëta u regjistruan në Mayotte (2.7%) dhe Guyane (5.8%) në Francë dhe në Ciudad Autónoma de Melilla (10.7%) në Spanjë.

Sipas hartës bashkëngjitur ngjyra portokalli simbolizon vendet që kanë ende një nivel të ulët të popullsisë mbi 65 vjeç, ku bënë pjesë edhe Shqipëria, vendet e Ballkanit perëndimor dhe e gjithë Turqia dhe disa vende të Europës Lindore. Monitor

Të fundit