Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Rruga drejt falimentimit”, Teliti: Dy zgjidhjet abuzive që qeveria po iu ofron fermerëve të qumështit

Politiko 3 Prill 2019, 18:45
“Rruga drejt falimentimit”, Teliti: Dy zgjidhjet abuzive që

Drejtori i Kabinetit në Partinë Demokratike, Dorian Teliti është shprehur se qeveria iu ka ofruar vetëm dy opsione abuzuese si “rrugëzgjidhje” fermerëve të qumështit dhe të dyja i çojnë ata drejt falimentimit.

“Fermerët nuk mund t’i dhurojnë djersën e tyre hajdutëve të pushtetit. Ata nuk po kërkojnë lëmoshë, por nuk pranojnë abuzimin sistematik me djersën e tyre duke i çuar madje deri në falimentim”, shkruan ndër të tjera Teliti.

Postimi i plotë:

Vjedhje skematike e me ligj e fermerëve shqiptarë

Fermerët e Lushnjës dhe gjithë Shqipërisë janë ngritur kundër vjedhjes abuzive të djersës së tyre, ndaj reagimi i sotëm ishte i pashmangshëm. Ata punojnë në diell e në shi, natë e ditë, që të ushqejnë e të mbajnë familjet e tyre, por kjo qeveri me dorën e saj hajdute futet egërsisht në xhepin gjysmë-shpuar.

Përmes një skeme pseudo–reformë me qëllime klienteliste, qeveria ka ulur në 6% TVSH-në për inputet bujqësore, ndërkohë që produkti final vazhdon të shitet me TVSH në masën 20%. Fermerët e qumështit protestojnë sepse kjo qeveri u ka ofruar vetëm dy opsione abuzuese si “rrugëzgjidhje”:

1-Ose diferenca prej 14% do të shkojë si rritje e çmimit final të shitjes në treg për konsumatorët (do paguajmë më shumë ne konsumatorët).

2-Ose do të ulet cmimi i qumështit që fermerët ua shesin fabrikave të përpunimit të qumështit me po të njëjtën masë (fermerët humbasin 14% të vlerës së shitjes).

Ajo që po ndodh është pikërisht kjo e fundit dhe fermerët nuk mund t’i dhurojnë djersën e tyre hajdutëve të pushtetit. Fermerët nuk po kërkojnë lëmoshë, por ata nuk pranojnë abuzimin sistematik me djersën e tyre duke i çuar madje deri në falimentim.

Është koha të largohen abuzuesit e fermerët të punojnë të qetë për familjet e tyre. Kësaj maskarade po i vjen fundi dhe Partia Demokratike ka një paketë të plotë për ta. 100 milionë euro në vit subvencione të drejtpërdrejta dhe 50 milionë euro në vit investime infrastrukturore. Shpejt rrënimi do ndalet!

Të fundit