Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ruçi e përshëndeti, por zyrtari i qeverisë e quan shqiptar të “sotëm” Janullatosin

Politiko 25 Dhjetor 2017, 19:38

Edhe pse Gramoz Ruçi, kryetari i Kuvendit i zgjedhur me votat e socialistëve e përshëndeti dhënien e shtetësisë shqiptare nga presidenti i Republikës Ilir Meta për Kryepeshkopin grek të Kishës Ortofdokse Autoqefale Shqiptare Anastas Janullatosin, një tjetër funksionar i qeverisë së majtë, drejtori i Përgjithshëm i ALUIZNI-t, Artan Lame, ka përdorur mjaft ironi dhe ka bërë një paralelizëm ndërmjet Janullatosit dhe At Stathi Melanit, priftit ortodoks shqiptar të vrrarë një shekull më parë.

Ja shkrimi i Lames:

KRISHTLINDJE

Sot është dita e lindjes së Birit të Zotit (të paktën për miliardin e të krishterëve të Globit).

Kapitali këtë ditë e ka kthyer tashmë pa kthim në sebep konsumi, duke bërë që njerëzia truboshe të dynden për të blejnë e të dalldisen, sikur të mos jetë ditëlindja e Krishtit por ditëlindja e tyre. Ndaj po zgjedh të flas me veten, packa se elektronika ua përcjell të gjithëve mejtimet e mia.

Dje, kryeprifti i ortodoksëve, pas një cerek shekulli që përpiqet, ja doli të marrë shtetësinë shqiptare - dhe Zoti e ndricoftë në udhën e re.

Sot, një tjetër prift ortodoks, at Stathi Melani, mbushi 100 vjetët që e vranë se deshi të mbetej shqiptar - dhe Zoti e mbajttë në krah.

I pari, shqiptar që dje, do japë sot në mesnatë meshë për gjithë grigjën e tij. I dyti, shqiptar i përjetshëm, s'mundi dot të kishte sot një meshë përshpirtjeje në qindvjetor (nëpër media shkruhet se Kisha nuk pranoi).

Tokësorët kujtojnë se mesha e përshpirtjes shërben për t'i lehtësuar jetën e përtejme të ndjerit. Do pyes për këtë gjë një njeri të ditur në punë feje, por mendja më thote se Perëndia e di vetë se ku meriton të shkojë i vdekuri dhe nuk ka nevoje për lutjet tona që të vendosë a të ndërrojë mëndje. Ndaj, mesha nuk u shërben të vdekurve por të gjallëve. Përmes lutjes së tyre, Perëndia i gjykon nëse e kanë gjetur udhën e drejtë dhe nëse e kanë kuptuar se nga është e vërteta.

Ndaj o të krishterë të mirë, sot në mesnatë, teksa të dëgjoni meshën nga shqiptari i sotëm, cojeni mendjen tek shqiptari i përjetshëm - at Stathi - se Zoti do jua dijë për të mirë në llogarinë e jetës.

Të fundit