Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

KRYESORE

Ruçi në Holandë, policia aksion ndaj trafikantëve shqiptarë që kontrollojnë tregjet e drogës

Politiko 21 Maj 2019, 15:15

Ruçi në Holandë, policia aksion ndaj trafikantëve

All - Paragraf - 1

Në një kohë kur kryetari i Kuvendit Gramoz Ruçi ndodhet në Holandë në një takim me Kryetaren e Dhomës së Dytë të Parlamentit holandez, Kadija Arib, policia holandeze po heton shqiptarët për kultivim droge dhe kompani që kryen veprime të jashtëligjshme.

All - Paragraf - 3

Policia e Holandës njofton se shqiptarët janë të përfshirë në kultivimin e kanabisit në shkallë të gjerë. Policia dhe Shërbimi i Prokurorisë Publike kanë nisur një hetim kundër kultivimit të kanabisit në Limburg, në bashkëpunim me partnerët.

Nga hetimi i policisë, ka rezultuar se shqiptarët janë përfshirë në kultivimin e kanabisit. Dyshohet se kanabisi është rritur brenda ndërtesave në Geleen.

Më shumë se 100 punonjës policie janë përfshirë në aksionin kundër kultivimit të kanabisit, përfshirë institucionet qeveritare, si komunat, RIEC, Enexis, ISZW, RDW, autoritetet tatimore dhe De Nederlandsche Bank.

Arsyeja për hetim

Shkak për nisjen e hetimeve ishte gjetja dhe pastrimi i një plantacioni kanabisi në një ndërtesë në Geleen në vitin 2016. Gjatë kontrollit, policia gjeti dhe dokumente financiare të cilat u hetuan më tej.

Nga fundi i vitit 2018, departamenti i hetimeve penale në Limburg shqyrtoi kompaninë, që ndodhej në Groenstraat në Geleen dhe me degë në Gjermani e Belgjikë. Aktivitetet e biznesit të kompanisë përbëhen nga tregtia dhe marrja me qira e automjeteve, transporti i udhëtarëve, brokerim, shërbime financiare (shërbimet e pagesave dhe transfertat e parave).

Po ashtu dyshohet se kompania është kryesisht e lidhur me ofrimin e shërbimeve të paligjshme të pagesave nga/ndaj personave me prejardhje kriminale, me origjinë shqiptare.

Në këtë hetim penal kanë rezultuar forma të shumta të dëmshme të krimit. Qytetarët e rregullt dhe sipërmarrësit mashtrohen nga konkurrenca, kanë marrë kërcënime, si dhe ka patur sjellje të tjera të papranueshme. Qeveria, partitë dhe qytetarët duhet të jenë në funksion dhe të kontribuojnë, shkruan policia.

“Qytetarëve u kërkohet të raportojnë në polici nëse ata hasin situata të dyshimta ose çështje të veçanta në të përditshmen e tyre. Kjo është e mundur përmes 0900-8844. Kjo mund të bëhet në mënyrë anonime nëpërmjet 0800-7000”, njofton më tej policia e Holandës.

Kujtojmë që Kryetari i Kuvendit, Gramoz Ruçi, kreu i grupit parlamentar të PS Taulant Balla dhe deputetja Rudina Hajdari kanë nisur ditën e sotme takimet zyrtare në Parlamentin e Holandës, pak ditë para publikimit të raportit të progresit të Komisionit Europian, ku pritet rekomandimi pa kushte për çeljen e negociatave me Shqipërinë.

Holanda është një ndër vendet skeptike për çeljen e negociatave me Shqipërinë. Së fundmi në Parlamentin holandez u votua për rikthimin e vizave me Shqipërinë. /Politiko.al/