Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rudina Xhunga ka një kërkesë pas aksidentit tragjik në Kamëz: Dua vetëm të di kush ia dha patentën, gruas në timon?

Politiko 10 Gusht 2018, 11:29

Rudina Xhunga ka një kërkesë pas aksidentit tragjik në

Gazetarja Rudina Xhunga ka reaguar për aksidentin tragjik në Kamëz që i mori jetën një vajze 7 vjeçare dhe një djali 29 vjeç. Xhunga thotë se nuk i interesojnë detaje të tjera nga ngjarja apo nga jeta e viktimave dhe autores së aksidentit, por ka vetëm një kërkesë, të dijë se kush ia dha patentën Rozina Kolecit.

“Unë dua vetëm të di kush ia dha patentën, gruas në timon? Kush firmosi, kush e bëri shofere, ku është tani, e mori vesh çfarë ngjau, me gruan që bëri shofere, gruan qe ngatërroi gazin me frenat. Kjo është ajo qe do doja të gjenin portalet. Jo detaje për lot e klikime”, shkruan gazetarja te ‘Dritare.net’.

Rudina Xhunga kërkon nga kolegët që të gjejnë inspektorin që i ka dhënë patentën Rozinës, e cila deklaroi se aksidentin e shkaktoi sepse ngatërroi gazin me frenat.

“Tani, gjeje kush ia dha patentën, gjeji numër telefoni, fotografi, moshë, vite pune, intervistoje dhe po nuk pranoi, veri fotografinë ne portal”, shkruan Xhunga.

Reagimi i Rudina Xhungës

Bashke me vogëlushen 7 vjeçare, iku edhe një djalë i ri, Ramazani, qe po shkonte me biçikletë në punë.

Në pak sekonda, njeri pas tjetrit, dhanë shpirt ne rrugë.

E shoh dhe e rishoh atë video. Ndaloj dhe kthehem te dora mbi dorë, që nena nuk ia lëshon, të bijave dhe te duart në kokë, të një burri që e pa të gjithën.

E pa, çastin kur Alda e madhja e mamit me flokët bisht, qe sivjet do shkonte në klasë të dytë, mbylli sytë mes një pellgu gjaku.

Sot doli video, dje dhjetëra detaje, për shoferen qe shtypi gazin në vend te frenave, për nënën qe kishte marre leje në punë për të çuar vajzat te mjeku, e te tjera detaji varrimi do dalin nesër, që nuk dua t’i di fare.

Unë dua vetëm të di kush ia dha patentën, gruas në timon?

Kush firmosi, kush e bëri shofere, ku është tani, e mori vesh çfarë ngjau, me gruan që bëri shofere, gruan qe ngatërroi gazin me frenat.

Kjo është ajo qe do doja të gjenin portalet. Jo detaje për lot e klikime.

Ne jemi me të rëndësishëm se qindra mijëra klikimet tona. Ne jemi prindër, kemi përdore fatin e fëmijëve tanë.

Çfarë do bëjmë, t’ia u lëmë atyre qe ngatërrojnë gazin me frenat?

Ne jemi njerëz në mision. Misioni ynë nuk gjendet në instastory. Lërjani emisioneve, vipat!

Misioni ynë, online, tani, është t’i japim një dorë të përditshmes sonë. Të kthehemi te bazikja.

Çfarë na dhemb, çfarë na vret, çfarë na duhet! Është koha.

Tani, gjeje kush ia dha patentën, gjeji numër telefoni, fotografi, moshë, vite pune, intervistoje dhe po nuk pranoi, veri fotografinë ne portal.

Një ditë një koleg rumun më tregoi se një gazetar shkoi para derës së kryetarit të një komune periferike dhe vuri një gur.

Një gur turpi. Pas tij, përditë mijëra njerëz vunë gurin e tyre, derisa u be një mur turpi qe i bllokoi derën kryetarit dhe nuk e la ta hapte më.

Nëse ke një zë, një zë online, ke në dorë më shumë se një gur. Përdore për të treguar jo më si i vrasin fëmijët e vegjël, por kush po i vret fëmijët tanë të vegjël.

Mos kujto se ata do ia dalin dhe zëri yt do mbesë vetëm. Pas gurit tënd, do të behet muri ynë.

Kush ia dha patentën? E nisim këtu…