Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sa keq që po lobon opozita? Apo, sa keq po qeveris qeveria?

Politiko 8 Mars 2018, 18:37

Sa keq që po lobon opozita? Apo, sa keq po qeveris qeveria?

Alfred Lela

*Shënim: Ky shkrim është botuar në Politiko.al më 25 nëntor 2017. E ribotojmë meqë është e njëjta temë, ajo e lobimit të PD në Amerikë, duke i shtuar si garniturë 'sallatën ruse' të akuzave për lidhje të partisë së parë opozitare antikomuniste në Shqipëri, me Putinin dhe Rusinë, pikërisht nga PS, forca që edhe sot ka në poste të larta partiake dhe shtetërore, funksionarë të regjimit komunist.

Një raportim i BIRN, mbi një kontratë lobuese të Partisë Demokratike me firma të konsulencës në Shtetet e Bashkuara të Amerikës, i ka dhënë pak kohë qeverisë të ndalë hapin dhe të marrë frymë. E gjendur në një shkulm skandalesh që ndjekin njëri-tjetrin, PS i sheh si oportunitete frëngji të tilla të cilat i lejojnë që t'i kundërpërgjigjet palës që e ka rrethuar prej më shumë se dy muajsh.

Opozita ka arritur që të kthejë qeverinë dhe çështjet e lidhura me të në temë kryesore të diskurit publik. Lufta retorike në politikë është, pak a shumë, si një ndeshje boksi. Ka sipërani ai që arrin të fusë në cepin e ringut kundërshtarin. Qeveria është aty duke numëruar sekondat.

Kontrata e lobimit të Partisë Demokratike me kompanitë amerikane mund të përbëjë shkelje, dhe instanca e kundravajtjes ose jo i takon organeve kompetente. Opozita veproi mirë kur, për aq sa i lejojnë kompetencat e veta bëri transparencë, qoftë edhe duke reaguar pas shkrimit të BIRN dhe akuzave të kundërshtarit politik.

Ky standard nuk është respektuar nga z. Rama me të tijtë, kur ai u përfshi në një debat me të njëjtën temë. Dyshimet për kreun e qeverisë lidheshin me një pagesë 60 mijë dollarëshe të lëvruar nëpërmjet një ndërmjetësi shqiptaro-amerikan për një foto me Presidentin amerikan të asokohe, Barack Obama. Për shtetasin amerikan u hapën hetime në ShBA, por asnjë në kampin e Ramës nuk hapi gojë për përfshirjen e Kryeministrit.

Ajo që duhet theksuar në të dy rastet është se lobimi nuk është i jashtëligjshëm, metodat e paligjshme të lobimit, janë.

Diabolizimi i lobingut duhet shmangur, sidomos nga qeveria e majtë e Ramës e cila është dëshmuar e paepur në përpjekjet për të prodhuar një imazh të vetes dhe të Shqipërisë, i cili nuk takohet askund me fluksin e investimeve të huaja në vend.

Ka një shpërpjestim mes komunikimit dhe marketingut me jashtë, dhe interesit që vjen nga bota për investime, biznes apo penetrim në ekonomi. Lobimet dhe konsulenca e shtrenjtë, e reflektuar në figurat aq publicitare të Tony Blair dhe Alaistar Campbell, të bëra me paratë e takspaguesve, janë një llogari e hapur e qeverisë me publikun.

Sigurisht, askush nuk ka pse të ndalojë së pyeturi: pse, si dhe sa lobon opozita? Por askush nuk mund të pyesë: pse po na qeveris kaq keq kjo opozita? Askush, përjashto, sigurisht, ata që duan të fshehin se sa keq po na qeveris qeveria.

Qoftë edhe duke bërë të alarmuarin dhe të ndershmin pas një kontrate lobimi të opozitës.