Flash News

Votat e diasporës, mbyllet procesi i numërimit për subjektet politike në 12 qarqe

Tema shpik shkrimin për “reagimin e figurave të PD” kundër Berisha & LaCivita. Autorja nuk ekziston dhe teksti është prodhim i ChatGPT (i cili po vetë e quan të sajuar)

U përplas me motor nga një 16-vjeçar, i moshuari përfundon në spitalin e Shkodrës

Këmbimi valutor, 18 maj 2025

Plagosje me thikë në Durrës, autori në arrati

KRYESORE

Samiti i Tiranës thyen izolimin ndërkombëtar të radikalit serb Milorad Dodik

Politiko 4 Maj 2019, 21:07
Samiti i Tiranës thyen izolimin ndërkombëtar të radikalit

Politiko.al

Në Tiranë do të organizohet më 8 dhe 9 maj samiti Brdo-Brijunit, një proces i krijuar nga Kroacia dhe Sllovenia, dhe që mbledh çdo vit krerët e shteteve ballkanike. Këtë vit është presidenti shqiptar, Ilir Meta, që do të organizojë samitin e radhës.

Por vetëm pak ditë nga çelja e punimeve të samitit, në Tiranë dhe Prishtinë kanë nisur reagimet e para që kundërshtojnë praninë e disa prej të ftuarve. Bëhet fjalë për presidentin e Serbisë, Aleskandar Vuçiç dhe kryetarin e Presidencës së Bosnje-Hercegovinës, Milorad Dodik.

Ndërkohë që për Vuçiç vizita në Tiranë nuk do të jetë e para, për Dodikun po. Qendra e Lëvizjes Vetëvendosje në Shqipëri ka paralajmëruar protestë ndaj dy liderëve serbë.

Izolimi i Milorad Dodik thyhet në Tiranë

Që kur u zgjodh në krye të presidencës tri-palëshe të Bosnjes, në tetor të 2018-ës, Dodik ka përjetuar izolim nga kancelaritë e Evropës. Takimet e tij kanë qenë vetëm dy, një në Bruksel në fillim të muajit prill, me Federica Mogherini dhe Johannes Hahn, dhe tjetri në fund të prillit në Vatikan, ku u përshëndet me Papa Françeskun.

Milorad Dodik u shpreh i pakënaqur me shmangien që i bëri Gjermania në samitin e zhvilluar së fundmi në Berlin. Autoritetet gjermane dërguan ftesën vetëm për Denis Zvizdiç, kryetar i Këshillit të Ministrave, i cili ka kompetenca të kufizuara në Bosnje.

Megjithatë, vizita e tij e parë në një shtet tjetër do të realizohet pikërisht në Shqipëri, në kuadër të samitit Brdo-Brijunit.

Sanksionet e SHBA dhe plani për ndarjen e Bosnjes

Në janar të 2017-ës, Milorad Dodik hyri në listën e zezë të sanksioneve të Shteteve të Bashkuara të Amerikës. Atij i refuzohet hyrja në këtë shtet si dhe i është bllokuar aksesi në pronat amerikane. Individët amerikanë gjithashtu ndalohen të angazhohen në transaksione me të.

Kjo lëvizje e administratës amerikane erdhi për shkak të rrezikut që Dodik paraqet ndaj Marrëveshjes së Dejtonit, e cila i dha fund luftës së përgjakshme në Bosnje në vitin 1995.

Përpjekjet e Dodik për të krijuar tensione brenda këtij shteti me struktura të dobëta kanë shkaktuar shqetësime në Uashington dhe në Evropë. Qëllimi i tij ka qenë gjithnjë shkëputja e Republikës Serbe të Bosnjes për t’u bashkuar me Republikën e Serbisë.

‘Hileja’ e Metës për Dodik

Por Milorad Dodik nuk do të vijë i vetëm në Tiranë. Në njoftimin e Presidencës së Shqipërisë theksohet se, në bashkëpunim me Presidencën e Kroacisë dhe Sllovenisë, në samit janë ftuar edhe dy liderët e tjerë të Presidencës së Bosnje-Hercegovinës. Dodik do të mbërrijë në kryeqytetin shqiptar i shoqëruar nga Šefik Džaferović dhe Željko Komšić.

Presidenca e Bosnje-Hercegovinës ka tre anëtarë që përfaqësojnë boshnjakët, serbët dhe kroatët.

Ftesa e Metës për Dodik është e ndryshme nga ftesa që u dërgua një vit më parë për presidentin e Bosnjes. Në samitin e 2018-ës, i organizuar në Shkup, i ftuar ishte vetëm boshnjaku Bakir Izetbegovic, ish-kryetar i presidencës, që në fund të vitit u zëvendësua nga Dodik. Për dy anëtarët e tjerë të Presidencës së Bosnjes nuk u dërgua ftesë, ndryshe nga sa ndodh këtë vit në Tiranë.

Të fundit