Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

S'do të jetë Rudina Hajdari, Nisma Thurje: Kryetar i partisë mund të jetë jetë një artist i madh

Politiko 4 Shtator 2020, 23:22
S'do të jetë Rudina Hajdari, Nisma Thurje: Kryetar i partisë

Përfaqësuesi i "Nismës Thurje", Pano Soko ka komentuar ngritjen e partisë së re ku pjesë e tyre do të jetë dhe deputetja Rudina Hajdari.

Soko ka thënë se partia e tyre do të ketë një kryetar honorifik që do të jetë një personazh shumë i dashur për publikun shqiptar, mund të jetë një artist i madh, duke lënë të nënkuptuar që nuk do të jetë Rudina Hajdari kryetarja e partisë.

"Po bëmë një parti me kryetar, s'do kemi ndryshim nga këto. S'kanë çfarë na duan ne shqiptarët, drejtimi do të jetë kolegjial, s'ka një drejtues nga "Nisma Thurrje". Do të kemi një kryetar honorofik, Rudina s'ka ardhur me qëllimin të marrë drejtimin.  Kryetari do të jetë një personazh shumë i dashur për shqiptarët, ne titull honorofik, mund të jetë një aktor i madh, artist i madh. Nuk do të gremë një lëvizje për të ngritur kultin e individit. Bashkëpunimi me Hajdarin kemi pasur që me hapjen e listave, jemi në të njëjtën trajektore, nuk ka ndodhur një bashkim, kemi kërkuar në vetvete të njëjtën gjë, hapja e listave është mjet, qëllimi është përfaqësimi në parlament, ndryshimi i atyre që janë aty. Jo më kriminel të paaftë, dallkaut. Se mbaj mend se kush ka nisur bashkëpunimin", tha Soko në Report tv.

Soko ka sqaruar se "Nisma Thurje" mund të ndryshojë emër kur të bëhet një parti, por që janë teknikalitete që po diskutohen.

"Emri i partisë? Është për t'u vendosur, ka një opsion shumë real, që një pjesë të jenë e shoqërisë civile për aksione të ndryshme për të çuar përpara atë që ne kemi nisur, ndërkohë që një pjesë e mirë do të jenë përfaqësues në garën elektorale", tha ai.

Të fundit