Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sekuestrimi i kokainës. Xhafaj hedh poshtë deklaratat e ministrit kolumbian: Ishte meritë e pastër e jona

Politiko 5 Mars 2018, 17:39
Sekuestrimi i kokainës. Xhafaj hedh poshtë deklaratat e ministrit

Sekuestrimi i kokainës më vlerë 180 milion euro në Durrës vazhdon të trazoj politikën shqiptare. Nga njëra anë, Ministria e Brendshme deklaron se ky ishte një aksion i saj, ndërsa nga jashtë vijnë informacione se kokaina u sekuestrua si rezultat i bashkëpunimit të disa agjencive ligjzbatuese.

Kështu, ministri kolumbian i Mbrojtjes,  Luis Carlos Vigellas deklaroi se kapja e 613 kg kokainë në Shqipëri u krye si rezultat i bashkëpunimit mes agjencive ligjzbatuese në Shqipëri me shërbimet e huaja. Vigellas shtoi se “Klani i Golfit”, prej nga e blenë drogën shqiptarët, ka humbur 200 ton kokainë vitet e fundit.

“Droga, u kap në sajë të informacionit në kohë të dhënë nga agjencitë pjesëmarrëse, e cila mundësoi planin e policisë shqiptare një operacion për të kontrolluar rrugën e kontejnerit, në pronësi të një kompanie shqiptare që nga koha e ardhjes së saj në portin e Durrësit, vendi ku policia ndërhyri në kontejnerin dhe gjeti drogen”, tha Vigellas.

I menjëhershëm ishte reagimi i Ministrit të Brendshëm, Fatmir Xhafaj. Nga foltorja e parlamentit, ai gjeti rastin të theksonte se ky ishte një aksion meritë ekskluzive e tyre identifikimi dhe zbulimi i kësaj sasie të jashtëzakonshme kokaine pa pasur asnjë lloj informacioni paraprak të jashtëm

“Rreth 100 punonjës policie u angazhuan në këtë operacion, gjatë të cilit u konfiskuan rreth 613 kg kokainë. Sasi kjo rekord për vendin tonë, por gjithashtu sinjifikative edhe për vende me arritje të konsoliduara në luftën kundër këtij trafiku. Ndihem krenar të pohoj me përgjegjësi të plotë se një operacion i tillë, suksesi i të cilit provon qartë gadishmërinë dhe efiçencën profesionale të organeve ligj zbatuese shqiptare, është një produkt, i koordinimit të shkëlqyer mes institucioneve tona ligj zbatuese. Ishte meritë ekskluzive e tyre identifikimi dhe zbulimi i kësaj sasie të jashtëzakonshme kokaine pa pasur asnjë lloj informacioni paraprak të jashtëm. E ritheksoj, pa pasur asnjë lloj informacioni paraprak të jashtëm, por bazuar vetëm në informacionet, analizën dhe kontrollin e kryer prej tyre”,  tha Xhafaj.

Të fundit