Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Seriali ‘Koronavirusi do ta ndryshojë botën': Numër 3/ Një rënie e polarizimeve

Politiko 13 Maj 2020, 20:24
Seriali ‘Koronavirusi do ta ndryshojë botën': Numër 3/

Për shumë njerëz, pandemia e koronavirusit sjell ndër mend 11 shtatorin ose krizën financiare të vitit 2008 — ngjarje që riformuluan shoqërinë, nga mënyra se si udhëtojmë dhe blejmë shtëpi, te niveli i sigurisë dhe mbikëqyrjes me të cilat tashmë jemi mësuar, dhe madje edhe te gjuha që përdorim.

Revista POLITICO anketoi më shumë se 30 njerëz të zgjuar, mendimtarë-makro,  dhe ata kanë lajme për ju: Mbahuni fort. Kjo krizë mund të jetë më e madhe nga sa mendonim.

Peter T. Coleman është profesor i Psikologjisë në Columbia University dhe studion konfliktet e vështira. Libri i tij i rradhës The Way Out: How to Overcome Toxic Polarization, do të botohet më 2021.

 

Tronditjet e jashtëzakonshme për sistemin tone, sjellë nga pandemia e koronavirusit kanë potencialin ta nxjerrin Amerikën nga modeli 50-vjeçar i përshkallëzimit të polarizimit politik dhe kulturor, në të cilin jemi bllokuar, dhe të na ndihmojë të ndryshojmë kursin drejt një solidariteti dhe funksionaliteti më të madh kombëtar. Mund të tingëllojë idealiste, por ka dy arsye për të menduar se mund të ndodhë.

I pari është skenari i "armikut të përbashkët", në të cilin njerëzit fillojnë të shohin tej dallimeve kur përballen me një kërcënim të jashtëm të përbashkët. COVID-19 po na paraqet një armik të frikshëm, i cili nuk bën dallim midis të kuqve dhe bluve, dhe mund të na sigurojë energji përbashkuese dhe një singularitet qëllimesh për të na ndihmuar të rifillojmë dhe të riorganizohemi. Gjatë Blitz-it, fushatës 56-ditore të bombardimeve naziste kundër Britanisë, kabineti i Winston Churchill-it u mrekullua dhe mori forcë duke parë rritjen e mirësisë njerëzore - altruizmin, dhembshurinë dhe bujarinë e shpirtit dhe të veprimit.

Arsyeja e dytë është skenari "vala e tronditjes politike". Studimet kanë treguar se modelet e forta, të qëndrueshme të marrëdhënieve, shpesh bëhen më të ndjeshme ndaj ndryshimit pasi destabilizohen nga një tronditje e madhe. Kjo nuk do të ndodhë domosdoshmërisht menjëherë, por një studim i 850 konflikteve të qëndrueshme ndër-shtetërore, të ndodhura midis 1816- 1992, zbuloi se më shumë se 75 përqind e tyre përfunduan brenda 10 viteve të një tronditjeje të madhe destabilizuese. Tronditjet shoqërore mund të shfaqen në mënyra të ndryshme, duke i bërë gjërat më mirë ose më keq. Por duke pasur parasysh nivelet tona aktuale të tensionit, ky skenar sugjeron që tani është koha të fillojmë të promovojmë modele më konstruktive në ligjërimin tonë kulturor dhe politik. Koha për ndryshim është qartësisht këtu.

Numër 1

Numër 2

Të fundit