Flash News

Makina me tre adoleshentë përplaset me shtyllën e betonit, humb jetën pasagjeri 15-vjeçar në Pejë

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

KRYESORE

Seriali ‘Koronavirusi do ta ndryshojë botën'/ Numër 4: Rikthim i besimit te ekspertët seriozë

Politiko 14 Maj 2020, 11:57
Seriali ‘Koronavirusi do ta ndryshojë botën'/ Numër 4:

Për shumë njerëz, pandemia e koronavirusit sjell ndër mend 11 shtatorin ose krizën financiare të vitit 2008 — ngjarje që riformuluan shoqërinë, nga mënyra se si udhëtojmë dhe blejmë shtëpi, te niveli i sigurisë dhe mbikëqyrjes me të cilat tashmë jemi mësuar, dhe madje edhe te gjuha që përdorim.

Revista POLITICO anketoi më shumë se 30 njerëz të zgjuar, mendimtarë-makro,  dhe ata kanë lajme për ju: Mbahuni fort. Kjo krizë mund të jetë më e madhe nga sa mendonim.

Tom Nichols është profesor në Kolegjin e Luftës Detare të ShBA-së dhe autor i The Death of Expertise

Amerika prej disa vitesh është bërë një vend thelbësisht joserioz. Ky është luksi që na ofrohet nga paqja, pasuria dhe nivelet e larta të teknologjisë së konsumatorit. Ne nuk kemi pse të mendojmë për gjërat që dikur na përqendronin mendjen - lufta bërthamore, mungesa e naftës, papunësia e lartë, niveli i lartë i interesave bankare. Terrorizmi është tkurrur te një lloj kërcënimi nocional për të cilin ne dërgojmë ushtrinë tonë në qoshet e largëta të shkretëtirës si roje paraprake e atdheut. Ne madje lartësuam në presidencë një yll të reality show-t televiziv, si një lloj sulmi populist mbi burokracinë dhe ekspertizën, që e bën shumicën e qeverisë të funksionojë çdo ditë.

Kriza e COVID-19 mund ta ndryshojë këtë në dy mënyra. Së pari, ajo i ka detyruar njerëzit të pranojnë sërish se ekziston ekspertiza. Ishte e lehtë të përçmoje ekspertët, derisa mbërriti një pandemi, dhe më pas njerëzit donin të dëgjonin nga profesionistët e mjekësisë si Anthony Fauci. Së dyti- dikush shpreson — mund t’i kthejë amerikanët drejt një serioziteti të ri, ose të paktën t'i çojë mbrapsht te ideja se qeveria është çështje e njerëzve seriozë. Dështimi kolosal i administratës Trump, si për të mbajtur të shëndetshëm amerikanët, ashtu edhe për të ngadalësuar rrënimin e ekonomisë nga efektet e pandemisë mund ta trondisë mjaftueshëm publikun për të kërkuar nga qeveria diçka tjetër përveç kënaqësisë emocionale.

Numër 1

Numër 2

Numër 3

Të fundit