Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sërish drejt shtyrjes së negociatave, Rama e kërkon përgjegjesinë te opozita: Përpjekje destruktive

Politiko 30 Maj 2019, 12:34
Sërish drejt shtyrjes së negociatave, Rama e kërkon

Ndërkohë që Shqipërisë pritet t’i shtyhet sërish marrja e një date zyrtare për hapjen e negociatave me Bashkimin Evropian, kryeministri Edi Rama po përpiqet që përgjegjësinë për këtë dështim t’ja faturojë opozitës. Në Kuvend, Rama tha se në raportin e Komisionit Evropian janë pasqyruar shtrembërimet dhe përpjekjet e opozitës për të krijuar te ndërkombëtarët pamjen e një Shqipërie tjetër.

“Raporti nuk është i njëjti, që do të thotë se në të gjithë faqet e tij mund të konstatohet pa vështirësi se nga viti i shkuar, sot, Shqipëria ka bërë progres në drejtimet themelore të rrugës së integrimit në BE. Nga ana tjetër është një pasqyrë ku pa vështirësi mund të shihen të gjitha shtrembërimet, deformimet dhe përpjekjet destruktive të opozitës rrugore për të krijuar në sytë e opinionit publik vendas, por edhe të gjithë atyre miqve dhe partnerëve që kanë vullnetin për t’i dëgjuar kolegët e ikur në drejtim të paditur, pamjen e një Shqipërie tjetër. Padiskutim ky nuk është konfirmimi i faktit, që ne asnjëherë nuk e kemi pretenduar se, Shqipëria i ka tejkaluar të gjitha problemet, apo në të gjitha fushat e ka arritur objektivin fundor, absolutisht jo. Objektivi fundor lidhet me qëllimin e madh të anëtarësimit në BE dhe ballafaqimin mes realitetit dhe momentit për anëtarësim, i cili është ende larg, ndërkohë që sot flasim për një fazë të ndërmjetme që duhet të çelet me zyrtarizimin e negociatave”, u shpreh Rama.

Kreu i Qeverisë theksoi se raporti hedh poshtë përpjekjet, sipas tij, për të treguar refomën në drejtësi si një proces të dështuar.

“Raporti hedh poshtë çdo pretendim dhe çdo përpjekje për ta treguar reformën në drejtësi si dështim, për ta treguar luftën ndaj krimit dhe korrupsionit jo vetëm si dështim, por tërësisht të deformuar në funksion të ‘qeverisë së krimit’. Raporti i jep shqiptarëve dhe ndërkombëtare një pasqyrë të realitetit të sotëm, me arritjet dhe problemet.

Të gjithë atyre që i bien fyellit në atë vrimën e vetme për të bërë të njëjtën muzikë me qëllimin që duke përsëritur në pafundësi të njëjtat broçkulla, të krijojnë një perceptim të imponuar ndryshe te shqiptarët, sot mund t’u thuhet me plot gojën se në atë pasqyrë Shqipëria mund të shoh çfarë ka bërë dhe çfarë duhet të bëjë.

Drejtësia sot është ende larg drejtësia që duam, por padiskutim është një kantier ku po ndodhin transformime të pakthyeshme dhe themelore për të ardhmen”, tha Rama.

Sipas Ramës, opozita duhet të bashkojë zërin me mazhorancën sa i përket procesit të negociatave, për të bërë të mundur avancimin e rrugës evropiane.

“Natyrisht që mes rekomandimit pakushte për çeljen e negociatave për anëtarësim dhe vendimit politik nga Këshilli Evropian, ka një hapësirë jo vetëm kohore por edhe subjektivizmi politik, ku Shqipërisë i takon të bëjë të veten dhe partive u takon të jenë bashkë në një zë.

Mjafton të shohësh reagimet e opozitës rrugore në raport me procesin për të kuptuar që jo vetëm që nuk ka asnjë vullnet për të bashkuar zërin me të gjithë ne dhe të gjithë shqiptarët që duan Shqipërinë në BE, por përkundrazi është shumë e qartë se ka një vendosmëri për të vijuar përpjekjen destruktive dhe për të vijuar furnizimin me alibi dhe justifikime negative të të gjithë atyre që për arsyet e tyre nuk e duan as zgjerimin e Evropës dhe aq më pak çeljen e negociatave me Shqipërinë.

Është për të ardhur keq dhe e pajustifikueshme në aspektin strategjik sepse negociatat nuk janë të një partie apo një qeverie dhe se ky proces nuk ka qenë i një pale, por ku të gjitha palët kanë patur detyrat dhe rolin e tyre. Ta kesh këtë proces në një peng të agjendës së brendshme politke është e paparë në asnjë vend që ka kaluar në këtë proces”, tha ai.

Sa i përket krizës politike, Rama deklaroi se mazhoranca mbetet e vendosur të stimulojë një proces dialogu me opozitën, por jo për të negociuar Kushtetuën. Ai ritheksoi se zgjedhjet lokale do të zhvillohen më 30 qershor, pavarësisht kërkesës së opozitës për shtyrjen e datës.

“Ne mbetemi të vendosur që të stimulojmë një proces dialogu me opozitën, por padiskutim s’kemi asnjë gatishmëri për të negociuar Kushtetuën si ligj themelor që na imponon të gjithëve ta respektojmë në funksion të zgjedhjeve që i përkasin popullit sovran dhe nuk i përkasin partive. Ne kemi të gjithë gatishmërinë të dialogojmë me opozitën jashtë-parlamentare, por asnjëherë nuk do të negociojmë legjitimitetin dhe detyrimin për vazhdimësinë e këtij Parlamenti. Një detyrim që buron nga një mandat i qartë.

Megjithatë, ne nuk kemi asnjë rrugë tjetër. Ata nuk janë të zgjedhurit tanë. Kundërshtarin nuk e zgjedh, kundërshtarin e përballon. Problemi është se këtu përballemi si kundërshtar dhe jashtë kësaj salle duhet të përballemi me një forcë që na trajton si armiq. Ne do të vazhdojmë të bëjmë detyrën tonë në raport me ambicien kombëtare për ta çuar Shqipërinë përpara në rrugën e BE. Detyrën tonë në raport me procesin demokratik në Shqipëri dhe zgjedhjet e 30 qershorit.

Zgjedhjet e 30 qershorti nuk negociohen. Data 30 qershor buron nga Kushtetuta si përcaktim në dekretin e Presidentit të Republikës, bazuar në Kushtetutë”, tha Edi Rama.

Pavarësisht përpjekjeve të Qeverisë për ta orientuar debatin në Tiranë për shtyrjen e mundshme të negociatave si rrjedhojë e krizës politike, janë media të rëndësishme si ‘Financial Times’ që raportojnë për situatë tjetër në Bruksel. Sipas kësaj media prestigjioze, që citon burime diplomatike, janë krimi i organizuar, korrupsioni dhe azilkërkuesit problemet që po shtyjnë negociatat e Shqipërisë me BE-në.

Të fundit