Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sërish shifra të larta infektimesh gjatë 24 orëve të fundit në Shqipëri

Politiko 8 Shtator 2020, 16:36

Sërish shifra të larta infektimesh gjatë 24 orëve të

Ministria e Shëndetësisë ka bërë me dije situatën e infektimeve dhe viktimave në Shqipëri gjatë 24 orëve të fundit. Sipas njoftimit zyrtar të MSH-së, kanë humbur jetën 2 pacientë me COVID-19 gjatë 24 orëve të fundit, një 59 vjeçar nga Tirana dhe një 73 vjeçar nga Elbasani. Kanë rezultuar 147 raste pozitive nga 830 testime të kryera.

Shpërndarja gjeografike e rasteve pozitive ditore është si vijon: 67 raste në Tiranë, 12 raste në Lezhë, 11 raste në Berat, 10 raste në Shkodër, 9 raste në Fier, 7 raste në Krujë dhe Korçë, 5 raste në Kamëz, nga 4 raste në Kavajë dhe Vlorë, 2 raste në Kurbin, Elbasan, Lushnje, Gjirokastër, 1 rast në Durrës, Vau i Dejës, Selenicë.

Sa i përket situatës në spitalin Infektiv dhe “Shefqet Ndroqi” po trajtohen 199 pacientë të konfirmuar pozitivë me COVID-19, 19 në terapi intensive nga të cilët 5 pacientë janë të intubuar.

Ministria e Shëndetësisë dhe Mbrojtjes Sociale ju informon rreth situatës së COVID-19 në Shqipëri, duke ju kujtuar që në fillim të këtij komunikimi të mos e ulni vigjilencën për asnjë moment përsa i takon respektimit të rregullave: Ruani distancën me të tjerët; Maska duhet të mbahet patjetër në ambientet e mbyllura dhe kudo ku distanca nuk ruhet dot; Higjiena e duarve dhe ajo respiratore është e rëndësishme.

Me rikthimin e shkollave ky moment merr një rëndësi të veçantë për kontrollin e infeksionit, prandaj Ministria e Shëndetësisë dhe Mbrojtjes Sociale ju rikujton edhe njëherë se zbatimi i rregullave duhet të bëhet pjesë e përditshmërisë sonë.

Duke ju sjellë në vëmendje të mos neglizhoni shenjat e COVID19, ju informojmë se në cdo rast kur keni dyshime, numri unik i urgjencës kombëtare 127 është në dispozicionin tuaj. Ndërsa nëpërmjet linjës së gjelbër 0800 40 40 mund të lidheni me mjekun tuaj të familjes, të merrni këshillim psikologjik si dhe informoheni saktë për pyetjet që keni për COVID19.

COVID-19 – Statistika (8 Shtator 2020); Testime totale 69558, Raste pozitive 10553, Raste të shëruara 6239; Raste Aktive 3993, Humbje jete 321 (Qarku Tiranë 154, Durrës 44, Shkodër 36, Elbasan 20, Fier 16, Korçë 12, Lezhë 12, Kukës 8, Dibër 7, Vlorë 6, Gjirokastër 4, Berat 2)

Shpërndarja gjeografike e rasteve aktive sipas qarqeve: Tiranë 2121, Durrës 458, Shkodër 321,

Lezhë 227, Elbasan 173, Korçë 150, Vlorë 138, Kukës 130, Fier 130, Berat 77, Dibër 34, Gjirokastër 34.