Flash News

PD: Qytetarët presin bonusin e qirasë dhe banesat, Bashkia e Tiranës bën tendera për mobilie

Posta e mëngjesit/ Me 2 rreshta: Çfarë pati rëndësi dje në Shqipëri

Përplasen dy makina në Pogradec, plagosen 3 persona

Përplasen 6 makina në Laprakë, përfundojnë në spital dy policë dhe një taksist

Kishte ardhur me pushime në Lezhë, ndërron jetë i riu nga Kosova

KRYESORE

Sfakianakis, koncerti i një antishqiptari? Këngëtari grek po vjen për një recital të këngëve, jo miting të ideve

Politiko 22 Maj 2018, 15:09
Sfakianakis, koncerti i një antishqiptari? Këngëtari grek po vjen

Shënim i Politiko.al

Notis Sfakianakis është një këngëtar grek i cilit shpesh përfshihet në debatimin e ‘çështje të nxehta’. Në biografinë e tij në Wikipedia ndesh shumë prej këtyre kundërshtive, që kërkojnë edhe njëfarë guximi, si psh në rastin e turit amerikan në qytetet e Lindjes (East) ku jeton një komunitet i gjerë greko-amerikan.

Sfakianakis foli për mospajtimin e tij me politikën e jashtme amerikane, çka çoi në kundërshtime të forta dhe braktisje të sallës nga amerikanët me origjinë greke të pranishëm. Sfakianakis, në vitin 2002, publikoi një këngë të titulluar ‘Delet’ e cila kishte nëntekst të qartë për Presidentin amerikan të kohës George W. Bush.

Gjatë krizës së refugjatëve në ishullin Kos, këngëtari u bëri thirrje autoriteteve greke të mbronin kufijtë e Greqisë. Simpatia e tij për partinë nacionaliste, të konsideruar neo-naziste Agimi i Artë, është një fakt i njohur në Greqi.

Në vitin 2006, ai publikoi këngën Sistemi (To systema) me anë të së cilës sulmonte hidhur industrinë greke të muzikës e cila ndihmonte shfaqjen e ‘këngëtarëve të vegjël’ të cilët janë sipas tij ‘fëmijë pa talent’.

Një gjë tjetër, që mund ‘t’i ngrohë’ pak anatemuesit e tij, është deklarata ateiste e tij se, dikush nuk mund të jetë dy gjëra njëkohësisht, edhe i krishterë, edhe grek. Dikush si Sfakianakis, që shkon kundër shenjave të forta të identitetit të kombit të vet, pse duhet të kujdeset për ato të një kombi fqinj si shqiptarët?!

Sulmet kundër shqiptarëve, në fakt, nuk figurojnë në listën e ‘skandaleve’ mediatike të këngëtarit të muzikës popullore greke. Përveç shkrimtarit Gazmend Kapllani, i cili i atribuon Sfakianakisit termin ‘plehra’ për shqiptarët, reaguesit e tjerë kanë pak njohje apo kontakte me botën greke dhe gjasat janë që të shprehen si pasojë e roller coaster-it të zakonshëm ‘patriotik’ që dëgjon një gjë diku dhe ‘e konfirmon’ me anë të zellit nacionalist.

Reagimet kanë qenë të shumta, siç ishin të tilla edhe për këngëtarin serb që performoi në Tiranë para shumë vitesh. A janë të drejta kritikat? Artikuluesit e tyre duhet të kenë kujdesin e një gjëje: përpjekja për ta dëmtuar koncertin e këngëtarit grek mund të kthehet në të kundërtën e vet dhe ta ndihmojë atë. Asgjë nuk e shtyn kureshtjen njerëzore sa nami i keq i dikujt.

Prania e Sfakianakisit në Tiranë shërben, në njëfarë mënyre, edhe si vetëshpjegim i tij për një ‘raport mospëlqimi’ me shqiptarët. Me në të koncertit, këngëtari grek e përgënjeshtron veten (gjithmonë nëse deklaratat e tij antishqiptare qëndrojnë dhe nuk janë një krijiim i nënndërgjegjes kolektive që sajon armiq të rinj imagjinarë apo mbështetet te stereotipet e vjetra).

Sfakiankais ‘kërkon ndjesë’ me anë të ardhjes në Tiranë nëse ka patur momente antishqiptare, ose në anë tjetër, prania e tij dëshmon se, në fakt, ai nuk ka bërë deklarata të tilla.

Në secilin rast nuk shkojnë krahasimet me Zervën, dhe as thirrjet për bojkot apo mungesë patriotizmi të atyre që do shkojnë në koncertin e tij. Sa prej atyre që e anatemojnë sot Sfakianakisin i kalojnë pushimet në Greqi? Sa prej tyre këndojnë muzikë greke apo e dëgjojnë me ëndje?

Jo pak.

Sfakianakis vjen si këngëtar, dhe jo si proselit (përhapës i një ideje, dogme fetare apo ideologjie politike). Nëse ai është antisistem (sistemi i paranimi të multikulturalizmit si shpëtim i botës) kontestuesit bien pikërisht në rrengun e tij duke u bërë anti-anti-sistem.

Sidoqoftë, Sfakianakis nuk jep në Tiranë një koncert të ideve, por një recital të këngëve.

Të fundit