Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

SHBA, zyrtarët paralajmërojnë për përhapje të mundshme të koronavirusit

Politiko 25 Shkurt 2020, 20:11
SHBA, zyrtarët paralajmërojnë për përhapje të

Zyrtarët e shëndetësisë në SHBA paralajmëruan amerikanët të përgatiten për një përhapje të mundshme të koronavirusit.

"Çrregullimet në jetën e përditshme mund të jenë të rënda" në SHBA, paralajmëroi të martën në një konferencë shtypi Nancy Messonnier, drejtore e Qendrës Kombëtare të Imunizimeve. Shkollat në disa zona mund të detyrohen të mbyllen, po ashtu edhe bizneset, tha ajo, raporton VOA.

Messonnier tha se zyrtarët e shëndetit publik nuk e dinë nëse përhapja e sëmundjes në Shtetet e Bashkuara do të jetë e butë apo e rëndë, por se amerikanët duhet të jenë gati për çrregullime të konsiderueshme në jetën e tyre të përditshme.

“I kërkojmë publikut amerikan të përgatitet për pritshmërinë se kjo mund të jetë diçka e rëndë,” tha Messonier.

“Çështja nuk është nëse do të ndodhë në SHBA, por kur do të ndodhë,” tha ajo.

Nga ana tjetër Presidenti amerikan Donald Trump tha të martën se Shtetet e Bashkuara e kanë vënë koronavirusin "shumë mirë nën kontroll" brenda kufijve të tyre.

Demokratët e Kongresit thonë se administrata Trump nuk ka arritur t’i përgjigjet me shpejtësi përhapjes së virusit në botë, madje se vetë presidenti përhapi informacion të rremë kur tha se koronavirusi do të ndalet në prill kur moti të ngrohet. Kriza globale e shëndetit po bëhet një tjetër betejë në luftën midis Presidentit Trump dhe Kongresit, pas dështimit të përpjekjeve të demokratëve për ta larguar presidentin me anë të një gjykimi në senat.

Presidenti Trump tha të martën gjatë një konference për shtyp në Nju Delhi se ndërsa SHBA janë mirë përsa i përket kontrollit, "ne bëjmë biznes me shumë vende të tjera, punojmë me vendet e tjera, ne duam që vendet e tjera të jenë të kënaqura dhe të shëndetshme."

Burimi: Zëri i Amerikës

Të fundit