Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shembja e bizneseve në Velipojë, reagon Basha: Banditët e pushtetit shkatërruan mundin e qytetarëve për t’u hapur rrugë projekteve korruptive

Politiko 3 Korrik 2020, 15:23

Shembja e bizneseve në Velipojë, reagon Basha: Banditët e

Kryetari i Partisë Demokratike, Lulzim Basha, ka qenë sot në Velipojë ku është takuar me qytetarë dhe përfaqësues të bizneseve të vogla. Referuar ndërtimeve të shembura nga IKMT gjatë muajt qershor në këtë zonë, Basha është shprehur ser banditët e pushtetit kanë shkatërruar mundin dhe dhe djersën e qytetarëve për t’u hapur rrugë projekteve korruptive të oligarkëve dhe krimit të organizuar.

“Sot në Velipojë u takova me sipërmarrës të sektorit të turizmit të zonës. Velipoja ka një natyrë të mrekullueshme dhe njerëz punëtorë, që mbajnë familjen me turizmin dhe strukturat e tij mbështetëse.

Me nisjen e sezonit turistik, në vend të mbështetjes nga qeveria, ata u goditën nga fadromat dhe prishjet selektive akoma pa filluar të nxjerrin sadopak të ardhura për banorët atje. Pa asnjë dokument, banditët e pushtetit shkatërruan mundin dhe djersën e qytetarëve dhe kjo për t’u hapur rrugë projekteve korruptive të oligarkëve dhe krimit të organizuar”, thotë Basha.

Kreu i PD tha se politikat korruptive në shërbim të një grushti oligarkësh e kanë dëmtuar turizmin dhe ekonominë. “Sipërmarrësit më thanë se i kanë paguar të gjitha taksat këto tre muaj, pavarësisht se janë gjendur pa punë dhe mundësi reale për t’i paguar. Tregtarët e zonës më thanë se xhiroja është përgjysmuar dhe shpresat për të nxjerrë shpenzimet e tyre për këtë vit janë fare të pakta.

Kjo situatë kërkon zgjidhje. Dhe që abuzimi, korrupsioni, shkatërrimi i mundit dhe djersës së shqiptarëve për afera korruptive të marrë fund, duhet të ndëshkohen përgjegjësit. Pandëshkueshmëria në këtë vend do të marrë fund”, thekson ai

Ai deklaroi se të gjithë ata që kanë prishur pronën e ndërtuar me gjakun dhe djersën e shqiptarëve, do të marrin dënimin e merituar.

“Këta banorë që kanë parë investimin e jetës të rrënuar para syve, meritojnë drejtësi. Pushuesit nga Kosova nuk do të rëndohen më me tarifën prej 5 eurosh. Ne do ta heqim taksën e Rrugës së Kombit që na ndan me vëllezërit tanë. Ne do t’i heqim bizneseve, bandat e taksidarëve nga qafa si dhe do të anulojmë “taksën Rama” për karburantin.

Vëmendja jonë do të përqëndrohet te biznesi i vogël, si sipërmarrja që përbën shtyllën kryesore të ekonomisë në vend, duke caktuar vetëm një taksë 0.5% të xhiros vjetore. Qeveria jonë do të investojë në infrastrukturën rrugore, ujë dhe kanalizime dhe në rrjetin energjitik, në mënyrë që turizmi shqiptar të ketë kushte normale dhe të denja për pushuesit shqiptarë dhe të huaj”, deklaroi kreu i PD.