Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

'Shëndosh e mirë' dhe me cigare në dorë, Kim Jong-un 'bëhet i gjallë' pas spekulimeve se ishte në gjendje kome

Politiko 26 Gusht 2020, 14:00
'Shëndosh e mirë' dhe me cigare në dorë, Kim

Kim Jong-un është bërë i ‘gjallë’ pas spekulimeve se ishte në gjendje kome dhe vendi do të drejtohej nga e motra. Ai u shfaq me shëndet të plotë në një mbledhje partie, ku ka paralajmëruar autoritetet e Koresë së Veriut që të përgatiten për rreziqet që mund t’i vijnë vendit nga pandemia e koronavirusit dhe një tajfuni të mundshëm.

Koreja e Veriut nuk ka konfirmuar raste të infektuarish me Covid-19 dhe mendohet se një shpërthim i madh do të ketë një efekt shkatërrues për kombin e varfër. Ndërkohë sikur të mos mjaftonte vetëm koronavirusi, Koreja e Veriut pritet të goditet edhe nga tajfuni ‘Bavi’ në ditët që do të vijnë.

Duke folur në një mbledhje politike të martën, Kim, i cili ishte duke pirë cigare, tha se kishte "disa mangësi" në përpjekjet e shtetit për të mbajtur jashtë këtë virus.

Pas një rasti të dyshuar, pati një bllokim në një qytet kufitar afër Koresë së Jugut, por infeksioni nuk u konfirmua kurrë zyrtarisht.

Analistja Laura Bicker thotë se “ndërsa tabloidet në botë janë të fiksuara mbi Kim Jong-un dhe shëndetin e tij, ka shqetësime më të mëdha. Shteti dhe 25 milion njerëzit e tij nuk janë në rregull”.

Tajfuni Bavi mund të shkaktojë dëme shumë të mëdha në ekonominë e një vendi të varfër si Koreja e Veriut. Dhe tani qendra e motit e BBC-së po parashikon rritje të stuhisë midis 200-300 mm shi vetëm disa javë para korrjes së orizit të vjeshtës.

Thuhet se dhjetë milion njerëz vuajnë nga pasiguria ushqimore në Korenë e Veriut, sipas KB. Kjo do të thotë se ata jetojnë nga korrja në korrje. Ata nuk mund të lejojnë më shumë të korra për t'u dëmtuar.

Koreja e Veriut gjithashtu vazhdon me këmëbnguljen se ka ende zero raste me Covid-19, por nuk e dimë nëse shpërthimet janë nën kontroll në shtetin sekret, i cili mbylli kufijtë e tij me botën në janar.

"2020 ka qenë një vit i keq për shumicën e botës. Por për Korenë e Veriut ai ka potencialin të jetë shkatërrues dhe ka shumë pak organizata në dispozicion  për t’i ndihmuar", shkruan BBC.

Të fundit