Flash News

Po kalonte trafikndarësen, përplaset për vdekje këmbësori pranë ish-sheshit “Shqiponja”

Sondazhi/ PD renditet forca e parë në Shkodër

Breshëri plumbash drejt makinës, plagoset shqiptari në Zvicër

Ndërtoi pa leje hotelin, Prokuroria e Gjirokastrës sekuestron objektin, lihet në burg pronari

Ndërpritet energjia në Spanjë dhe Portugali, 'paralizohen' shërbimet

KRYESORE

Sherri për Elvana Gjatën, policia e Tiranës zbardh ngjarjen në ish-Bllok

Politiko 5 Tetor 2018, 11:46
Sherri për Elvana Gjatën, policia e Tiranës zbardh ngjarjen

Policia e Tiranës ka publikuar një tjetër version të dinamikës së ngjarjes së ndodhur mbrëmë në një lokal të njohur në zonën e ish-Bllokut në Tiranë.

Paraprakisht, dyshohet se sherri mes dy grupeve ndodhi për shkak të këngëtares së njohur Elvana Gjata.

Sipas policisë, janë shpallur në kërkim tre persona, si autorë të dyshuar të ngjarjes ku mbeti i vrarë Fabjol Gaxha dhe u plagosën Ervis Martinaj dhe Eljon Hato.

Reagimi i policisë:

Zbardhet ngjarja e ndodhur mbrëmjen e djeshme ku në një lokal në rrugën “Ibrahim Rugova”, u plagosën me armë zjarri shtetasit E. M., 36 vjeç dhe E. H., 28 vjeç, si dhe mbeti i vrarë shtetasi F. G., 28 vjeç.

Arrestohen në flagrancë dy të plagosurit dhe shpallen në kërkim tre të tjerë.

Sekuestrohen në cilësinë e provës materiale armë zjarri “Glock”, gëzhoja, shumë në euro, automjete e aparate celular.

Grupi i posaçëm hetimor i përbërë nga Specialistë të Taks Forcës Qëndrore, Specialistë të Policisë së Shtetit, Specialistë të Hetimit të Krimeve ndaj jetës dhe pronës në Drejtorinë Vendore të Policisë Tiranë, nën drejtimin e një grupi Prokurorësh të Prokurorisë së Rrethit

Gjyqësor Tiranë, bënë arrestimin në flagrancë të shtetasve :

– Ervis Martinaj, 36 vjeç, banues në Tiranë

– Eljon Hato, 28 vjeç, banues në Shkodër

Si dhe u shpallën në kërkim shtetasit :

–Ervin  Mata, 31 vjeç, banues në Tiranë

– Fabio Allushi 42 vjeç, banues në Tiranë

– Mevjol Billo 41 vjeç, banues në Tiranë

Këta shtetas mbrëmjen e djeshme në rrugën “Ibrahim Rugova”, janë konfliktuar në ambientet e brendshme të një lokali duke qëlluar me armë zjarri në drejtim të njëri – tjetrit, ku si pasojë e të shtënave mbeti i vrarë shtetasi F. G., dhe u plagosën shtetasit E. M., dhe E. H., të cilët ndodhen në spital nën kujdesin e mjekëve.

Janë sekuestruar në cilësinë e provës materiale :

– armë zjarri tip “Glock”

– 11 gëzhoja

– 10 000 euro – tre automjete – aparate celular

Materialet iu referuan për veprime të mëtejshme Prokurorisë së Rrethit Gjyqësor Tiranë në ngarkim të shtetasve të lartpërmendur për veprat penale “Vrasje në rrethana të tjera cilësuese, kundër dy ose më shumë personave e kryer në bashkëpunim” dhe “Prodhim dhe mbajtja pa leje e armëve dhe e municionit luftarak”, të parashikuar nga nenet 79/dh-25, 278 të Kodit Penal.

Të fundit