Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shifra alarmante nga ndotja e ajrit në Shqipëri, 2120 vdekje në vit

Politiko 20 Shtator 2017, 16:09

Shifra alarmante nga ndotja e ajrit në Shqipëri, 2120 vdekje në

Mbi 2100 persona humbin jetën çdo vit në vendin tonë si pasojë e ndotjes së ajrit. Specialistët e Shëndetit Publik janë alarmin për këtë situatë, ku përveç numrit të lartë të vdekjeve, shifra e personave të sëmurë nga problemet respiratore apo kardiake është disa herë më e lartë.

“Është fakt që Shqipëria ka një problem madhor me ajrin urban. Sipas raportimit më të fundit të Agjencisë Europiane të Mjedisit, në vitin 2016, Shqipëria ka 2120 vdekje në vit nga ndotja e ajrit. E klasifikuar teknikisht kjo është rreth 2 mijë vdekje nga grimcat e imëta që janë dhe ndotësit kryesor PM10, PM2,5 dhe pjesën tjetër nga oksidet e azotit dhe nga ozoni që janë po ashtu gaze që lidhen me transportin automobilistik”, thote Agron Deliu.

Specialistët kërkojnë që të merren masa për të ulur ndotjen e ajrit duke nisur nga pastrimi më i mirë i rrugëve brenda të qyteteve dhe kontrolli i cilësisë së karburanteve.

“Ëshë një gamë e gjerë masash që duhen marë, të kontrollohet më mirë cilësia e rrugëve, cilësia e karburanteve, cilësia e motorëve të makinave, gjelbërimet e qyteteve, sepse gjelbërimi përveç faktorit estetik ka një faktor shumë të madh si filtrues i grimcave të imëta dhe i gazve që çlirohen në qytet”

Drejtues të Ministrisë së Mjedisit u bëjnë apel qytetarëve që të reduktojnë përdorimin e makinave. Sipas Kledi Xhaxhiut: “I bëj thirrje qytetarëve që të lëvizin sa më pak me mjete dhe mundësisht të përdorin mjete në mënyrë të përbashkët do të thotë qoftë transportin publik ose në rast se përdorin makinat të kemi sa më shumë njerëz në mënyrë që të lëvizim të gjithë së bashku duke përdorur konceptin e ndarjes së mjetit. Kushti kryesor që ne do të impelmentojnë është futja e metodologjisë së re të mjeteve të transportit të qëndrueshëm siç janë mjetet elektrike”

Me rastin e Javës Europiane të Lëvizshmërisë, Ministria e Mjedisit ka organizuar një aktivitet sensibilizues për të nxitur përdorimin e mjeteve të transportit që nuk prodhojnë ndotje, sikurse janë edhe biçikletat.

Java Europiane e Lëvizshmërisë zhvillohet çdo vit nga 16 shtatori deri më 22 shtator.

Kjo javë nxit bashkitë e qyteteve europiane të prezantojnë dhe promovojnë ndërmarjen e një sërë masash për të realizuar një transport të qëndrueshëm dhe ftojnë të gjithë individët të përdorin alternativa të tjera për të udhëtuar dhe lëvizur përveç përdorimit të mjeteve motorike.