Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shifrat rekord të të infektuarve, Rama paralajmëron qytetarët dhe bizneset: Gjobë deri në heqje lirie për ata që thyejnë protokollin e sigurisë

Politiko 16 Qershor 2020, 16:00
Shifrat rekord të të infektuarve, Rama paralajmëron

Kryeministri Rama ka reaguar pas rritjes së numrit të të infektuarve me 82 raste në 24 orët e fundit, shifër rekord kjo që nga fillimi i pandemisë. Përmes një video-live në rrjetet sociale, Rama ka paralajmëruar qytetarët dhe bizneset të ndjekin protokollet e lëshuara nga autoriteti shëndetësor, pasi thyerja e tyre rrezikon për ta gjobë deri në heqjen e lirisë.

Kreu i ekzekutivit, po ashtu, ka theksuar se këtej e tutje nuk do të lejohet asnjë lloj “grumbullimi qoftë edhe politik”, për të shmangur përhapjen e virusit në vend, duke u kërkuar qytetarëve të zbatojnë rregullat e distancimit social.

“Kam bindjen se ende jemi në kohë ta kontrollojmë përhapjen e armikut të padukshëm, i cili akoma nuk ka ikur. Numrat janë rritur. Përpjekja në frontin e shëndetësisë vijon njëlloj si më parë. Gatishmëria jonë vijon të rritet në atë front në rast se do të na duhet të kalojmë të keqen më të madhe. Megjithatë fati i kësaj lufte varet nga qytetarët. Nga distancimi social.

Pasi kam folur gjerë e gjatë me ekspertët dhe ministren e shëndetësisë:

1. Nuk do të lejoj më asnjëlloj grumbullimi qoftë edhe politik. Ju them të gjithve vazhdoni punën. Liria e lëvizjes ka qenë e garantuar, liria e fjalës nuk ka munguar asnjëherë por nuk do të lejojë grumbullimet duke thyer protokollin e sigurisë. Policia e shtetit do të vazhdoj të bëjë detyrën dhe kush merr pjesë në grumbullime më të mëdha sesa është përcaktuar në protokollin e policisë do të penalizohen menjëherë, drejtpërdrejt individualisht.

2. Ju bëj thirrje bizneseve që të zbatojnë protokollet e sigurisë të lejuara nga autoritetet. Bizneset që nuk do të respektojnë protokollet nuk do tolerohen më. Nëse ata kapen duke thyer rregullat penalizmi nuk do të jetë vetëm me gjobë apo mbyllje të aktivitetit, por deri në heqje lirie.

3. Vetë qytetarët do të vijojnë të qarkullojnë lirisht, pa kufizime dhe pa larg qoftë nevojë për autorizime, por do të penalizohen nese kapen në shkelje të rregullave të thjeshta, por shumë të bezdisshme të distancimit social në hapësira të përbashkëta. Kështu nuk mund të vazhdohet më”, ka thënë Rama.

Të fundit