Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shkarkimi i Bushatit, reagon ish-homologu grek: Rama e largoi për dy arsye të rëndësishme

Politiko 6 Janar 2019, 10:39
Shkarkimi i Bushatit, reagon ish-homologu grek: Rama e largoi për dy arsye

Vendimi i kryeministrit Edi Rama për shkarkimin e Ditmir Bushatit si ministër të Jashtëm ka sjellë edhe reagimin e ish-homologut të tij grek, Nikos Kotzias.

Në një intervistë për mediat greke, Kotzias e ka komentuar largimin e Bushatit nga kabineti qeveritar si një vendim i Ramës jo për shkak se kishte vite në krye të diplomacisë shqiptare, por se ishte kundër ndryshimit të kufirit Kosovë-Serbi.

“Bushati ishte tepër i guximshëm dhe i vendosur. Ishte më seriozi për të negociuar  me Greqinë. Edhe pse ishte i ri në moshë, ishte i matur dhe i pjekur. Ditmir Bushati për mendimin tim nuk u largua sepse ishte shumë vite në krye të diplomacisë, por sepse kishte një këndvështrim tjetër për çështjen e Kosovës, me pak fjalë ishte kundër ndryshimit të kufirit me Serbinë dhe e dyta sepse kishim bërë këtë përpjekjen për një paketë marrëveshje. Dua të them këtu se paketën e marrëveshjes e kishim mbyllur, por kishim dy probleme: I pari Shqipëria nuk kishte Gjykatë Kushtetuese të certifikojë reformat e kryera në një sërë çështjesh. Nuk arritëm periudhën e verës sepse u shpërbë Gjykata Kushtetuese në Shqipëri, nuk kishte lidhje me ne vonesa. Problemi i dytë, ka të bëjë me Greqinë. E kam informuar kryeministrin Cipras me detaje. Greket nuk janë të gatshëm të pranojnë ligjërisht se lufta mes Shqipërisë dhe Greqisë ka mbaruar tashmë. Nuk do flas për këtë. Kur të flas do i mësoni detajet. Por Greqia, dhe referohem në fuqitë e djathta dhe të djathta ekstremiste, duhet të bëhet serioze”, u shpreh ish-ministri i Jashtëm grek.

Të fundit