Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shkarkoi 20 punonjës të shërbimit diplomatik, këshilltari i PD: Gent Cakaj ka bërë një gafë shumë të madhe

Politiko 27 Mars 2019, 07:25

Shkarkoi 20 punonjës të shërbimit diplomatik, këshilltari i

Këshilltari i PD në Këshillin Bashkiak të Tiranës, Leonard Olli ka komentuar vendimin e ministrisë së Jashtme për shkarkimin e 20 punonjësve të shërbimit diplomatik, një ditë më parë.

Në një reagim në rrjetet sociale, Olli fillimisht i kërkon ministrit të deleguar Cakaj që të bëjë fillimisht publike emrat e të shkarkuarve, ndërsa së dyti i shpjegon pse dje ka bërë një gafë të madhe. “Më shumë si këshillë miqësore, për arsye të moshës dhe profesionit: meqenëse flisni për profesionistë, merrni ndonjë të saktë në fushën e komunikimit ose dëgjojini më shumë ata që keni në ministri pasi keni bërë një gafë shumë të madhe pa dashje ose keni thënë një të vërtetë të madhe, sigurisht pa dashje. Nëse ata punonjës janë larguar se nuk përmbushin vizionin e kësaj qeverie apo kryeministrit Rama, më lind e drejta të besoj se po i largoni politikisht dhe këtë e dëshmoni me deklaratën tuaj”, shkruan Olli.

Reagimi i plotë:

Një këshillë publike për zv.ministrin Gent Cakaj!

I nderuar zv.ministër Cakaj. Nga edicionet informative mësova se kishit larguar nga shërbimi diplomatik 20 punonjës, pasi sipas pretendimit tuaj, nuk plotësonin asnjë kriter. Do t' ju lutesha shumë që në respekt të publikut dhe taksapaguesve shqiptarë që i paskan mbajtur kaq kohë më rrogë të bëni publike emrat, kushtet që nuk plotësojnë dhe personat përgjegjës për rekrutimin e tyre. Vetëm me këto premisa na jepni të drejtën të gjykojmë edhe ne. Së dyti, më shumë si këshillë miqësore, për arsye të moshës dhe profesionit: meqenëse flisni për profesionistë, merrni ndonjë të saktë në fushën e komunikimit ose dëgjojini më shumë ata që keni në ministri pasi keni bërë një gafë shumë të madhe pa dashje ose keni thënë një të vërtetë të madhe, sigurisht pa dashje. Nëse ata punonjës janë larguar se nuk përmbushin vizionin e kësaj qeverie apo kryeministrit Rama, më lind e drejta të besoj se po i largoni politikisht dhe këtë e dëshmoni me deklaratën tuaj. Gjithashtu mos harroni se nëse ka një ministri e cila ka një vijimësi përtej partive politike që marrin mazhorancat, ajo është ministria e punëve të jashtme. Politika e jashtme e Shqipërisë qëndron mbi partitë e kryeministrat, pasi është aset kombëtar e mbarëkombëtar. Si i lexuar shumë që jeni, kaq duhet ta dini për politikën e jashtme dhe diplomacinë. Mos harroni se edhe ju në atë detyrë nuk jeni prej zotësisë apo ekspertizës në çështjet e diplomacisë, por si i zgjedhur i kryeministrit. Të gjithë e dimë këtë, por të paktën mos e dëshmoni me gojën tuaj. Servilizëm është një "aset" i vyer për karrierë këtu te ne, por jo provë apo aset zotësie. Prandaj si shumë i lexuar që jeni, besoj se e dini postulatin e vjetër se: sa më shumë mëson, aq më shumë kupton sa e pafund është dija. Prandaj lejini ekspertët t' ju përgatisin materialet e komunikimit, pasi nëse i keni të zotë, do t' ju kishin shpëtuar nga këto lajthitje apo ndonjë tjetër në të ardhmen. Me shumë dashamirësi, Leonard Olli.