Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shkencëtarët gjejnë prova të ekzistencës së lumenjve të lashtë në planetin Mars

Politiko 8 Maj 2020, 19:10

Studiuesit po marrin të dhëna nga gurët që ndodhen në planetin Mars, për të krijuar një përfytyrim të kohës kur në këtë planet kishte ujë, pra miliarda vite më parë.

Të dhëna dhe imazhe të reja të detajuara të shkembinjve të ekspozuar në Mars zbulojnë provat e para për ekzistencën e lumenjve në sipërfaqen e Marsit për më shumë se 100,000 vite, rreth 3.7 miliardë vite më parë, duke iu referuar një studimi të publikuar disa ditë më parë në gazetën “Nature communications”, shkruan CNN.

Një skuadër ndërkombëtare shkencëtarësh përdoren imazherinë dhe topografinë e siguruar nga një kamer e NASA (Mars Reconnaissance Orbiter Hirise) për të studiuar hapësirën rrethuese të basenit Hellas në hemisferën jugore të Marsit. Krateri me emrin“The hellas impact” ka qenë objekti i interesit të shumë kërkuesve shkencorë për një kohë të gjatë. Ai është një nga më të mëdhenjtë në sistemin tonë diellor dhe shtrihet rreth 9 km nga fundit i tij deri në buzë.

Ky imazh vjen nga një video e Universitetit të Utrecht që tregon luginën dhe shkëmbinjtë e krijuar nga lumenjtë antikë.

Shkëmbinjtë tregojnë se Marsi duhet të ketë pasur një prani të qëndrueshme dhe të konsiderueshme të ujit në të kaluarën e tij.

Studiuesit u fokusuan në një shkëmb të gurtë, rreth 656 metra të lartë. Atje, shkëmbinjtë janë të vjetër 3.7 miliardë vjeç. Të përbëra nga sedimente të grumbulluara me kalimin e kohës, ato janë si shkëmbinjtë e gjetur në Tokë që u formuan nga lumenjtë.

“Nuk është si të lexosh një letër apo gazetë, por pamjet me rezolucion shumë të lartë na lejuan t’i ‘lexojmë’ shkëmbinjtë sikur po qëndrojmë shumë afër“, tha Francesco Salese, autor studimi, gjeolog në Universitetin e Utrecht në Hollandë dhe shkencëtar në Shkollën Ndërkombëtare të Kërkimeve të Shkencave Planetare në Itali.

“Ne nuk mund t’i shohim nga afër hollësitë e shkallës më të imët, por ngjashmëritë e habitshme me shkëmbinjtë sedimentarë në Tokë i lënë shumë pak imagjinatës”, shtoi ai, raporton CNN.

Shkëmbinjtë sedimentarë regjistrojnë shtresa të historisë dhe studiuesit ishin në gjendje të përcaktonin se kanalet e këtyre lumenjve antikë ishin disa metra të thella. Analizimi i këtyre shtresave në Mars mund të hedhë më shumë dritë mbi historinë e tij, ashtu si gjeologët përdorën shtresa sedimentesh në Tokë për të kuptuar se si planeti ynë evoluoi me kalimin e kohës dhe ndërtuan modelet se si ishte Toka miliona dhe miliarda vjet më parë.

Përshatur nga CNN