Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shkenctarët në Australi rrëzojnë mitin e tumoreve të shkaktuara nga celularët

Politiko 22 Dhjetor 2018, 12:08
Shkenctarët në Australi rrëzojnë mitin e tumoreve të

Telefonat celularë nuk shkaktojnë tumore në tru, sipas analizës të 16 800 rasteve të kancerit të trurit në Australi, të regjistruara që nga viti 1980.

Studimi, i drejtuar nga Agjencia Australiane për Rrezatimet dhe Sigurinë Bërthamore (ARPANSA) dhe i publikuar në revistën ”BMJ” përjashton çdo lidhje midis përhapjes së shpejtë të telefonisë mobile dhe tumoreve në tru.

“Normat e kancerit të trurit kanë mbetur mjaft të qëndrueshme gjatë dekadave dhe nuk janë rritur lloje të veçanta të tumoreve të trurit”, theksoi eksperti i radiologjisë, Ken Karipidis.

Studimi, konfirmon se përhapja e kancerit të trurit, sipas moshës së pacientëve, ka mbetur e qëndrueshme mes viteve 1982 dhe 2013. Në analizën e 16 800 pacientëve australianë midis 20 dhe 59 vjeç, hulumtuesit morën parasysh llojin dhe vendndodhjen e tumorit.

“Nuk ka pasur rritje të gliomave të lobit të përkohshëm, i cili është pozicioni më i ekspozuar, gjatë periudhës së përdorimit të konsiderueshëm të telefonave mobil”, thekson Karipidis.

Telefonat celularë janë duke u bërë më të fuqishme dhe rrjetet kanë evoluar gjatë pesë viteve të fundit, por sipas tij, rezultatet e studimit janë të një rëndësie të madhe për shkak se sasia e rrezatimit emetohet nga telefonat mobilë mbetet pothuajse e njëjtë.

”Ekspozimi më i fortë ishte disa vite më parë me telefona analoge, por rrjetet e gjeneratës së pestë (5G) që janë përhapur në shumë vende, nuk janë një shqetësim”, thekson Karipidis.

Të fundit