Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shoqata e punonjësve të policisë në lirim Ramës: Ndërtove shtet kriminal

Politiko 2 Mars 2018, 17:28

Shoqata e punonjësve të policisë në lirim Ramës:

Shoqata e punonjësve të policisë në lirim 2013 ka hedhur poshtë deklaratat e kryeministrit Rama, i cili në emisionin “Debat” të gazetarit Roland Qafoku, tha se qeveria e ka fituar betejën me kanabisin dhe se është e vendosur të luftoj krimin e organizuar.

Duke e cilësuar sjellen e Ramës si arrogante dhe fyese për situatën që po kalon vendi, ata theksojnë se sipas DASH, Shqipërinë është vend i krimit të organizuar dhe pastrimit të parave dhe se gjatë mandatit të parë të qeverisë së Ramës, në Shqipëri u ndërtua laboratori i kokainës më i madh në rajon.

Reagimi i plotë:

Kryeministri i zënë ngushtë mendon se mund të shpëtoj me alibit e Lazaratit, e pastrimit të Policisë së Shtetit, Vettingut e të tjera justifikime si këto. Por faktet janë super kokëforta dhe dëshmojnë krejt të kundërtën.

Raportet ndërkombëtare janë e zeza mbi të bardhë duke e nxirë situatën e rendit dhe sigurisë në vend si asnjëherë në 27 vite. Për herë të parë DASH e përkufizon Shqipërinë si vendin e krimit të organizuar dhe pastrimit të parave.

Ti ke një sukses të padiskutueshëm Z. Kryeministër: Kanabizimin e gjithë territorit të vendit dhe kthimin e kufinjve të vendit në autostradë trafikimi.

Gëzon sukses të padiskutueshëm në kriminalizimin e gjithë strukturave të policisë së shtetit”, thuhet në deklaratë.

Në mandatin e parë të qeverisjes me Saimir Tahirin arrite kanabizimin e vendit, ndërtimin e një laboratori kokaine më të madhe në rajon, dhe hyrjen në histori të politikës me Ministrin jo vetëm më të korruptuar por më të inkriminuar.

Tani, je në mandatin e dytë, e sigurisht objektivat e tua e kanë rritur standartin. Tashmë me Ministrin Xhafa nga Cannabis ke kaluar në nivel më të lart produkti, Kokaina. Duke e kthyer Shqipërinë në magazinë të kokainës me qëllim trafikimin e saj drejt vendeve të BE-së. 613 kg kokainë të kapura në Maminas vetëm dhe vetëm nga presioni i informacioneve të organeve të huaja ligjzbatuese.

Sigurisht në këtë objektiv nuk mund të siguroje sukses të garantuar veçse me Fatmir Xhafaj Ministër të Brenshëm, duke patur parasysh se lidhjet me botën e kokainës ai i ka brënda në familje, me vllain e dënuar për trafik kokaine në Itali.

Kryeministri deklaroi duke u krenuar me pafytyrësinë më të madhe për shkarkimin e 2000 punonjësve të Policisë së Shtetit, me demek me masa administrative apo penale dhe duke i akuzuar në mënyrë të paskrupullt si organizator të destabilizimit të vendit në rendin dhe sigurinë pas marrjes së mandatit dhe shkarkimit të tyre. Në fakt asnjë nga këta punonjës policie të larguar në kundërshtim të hapur me ligjin nuk kanë procedim penal dhe të gjithë këta kanë fituar proceset gjyqësore administrative duke i shkaktuar kosto të lartë financiare buxhetit të shtetit.

Por me kë i zëvendësove Z. Kryeministër? Me njerëz të inkriminuar, të shkarkuar më parë për vepër penale dhe njerëz të lidhur me botën e krimit. Ti këta persona i bëre Drejtues të Lartë të Policisë së Shtetit për të arritur atë që tashmë e di i madh e i vogël: ndërtove shtet policor, shtet kyç kultivimi dhe trafikimi të lëndëve narkotike. Ndërtove shtet krimi.

Në këto kushte në mënyrë dinake kërkon të mbulosh diellin me shosh duke projektuar një vetting të paracaktuar në Policinë e Shtetit.

Sigurisht që krenohesh sepse ti je njësh me krimin dhe pa të nuk bën dot.