Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

BE shpërblen euroskeptikët. Ja tabela që mat popujt pro dhe 'kundra' Europës në Ballkan. Shqiptarët dhe serbët në ekstreme

Politiko 7 Shkurt 2018, 20:48

Një sondazh i Këshillit të Bashkëpunimit Rajonal (Regional Cooperation Council) zbulon disa të dhëna interesante mbi eurofilinë (dashurinë për BE), apo dhe 'shpërfilljen' e qytetarëve të vendeve të Ballkanit. Serbia dhe Mali i zi që i kanë hapur negociatat e anëtarësimit dhe sipas të gjitha gjasave priten të antarësohen me të drejta të plota në vitin 2025, janë më pak eurofilët ndër vendet e Ballkanit perëndimor që kanë mbetur pas dyerve të BE.

Sipas sondazhit, vetëm 26 përqind e serbëve dhe 31 përqind e malazezëve e shohin antarësimin në BE si gjë të mirë. 37 përqind dhe 46 përqind e shohin si 'as të mirë dhe as të keqe. Në ekstremin tjetër, 30 përqind e serbëve e shohin antarësimin në BE si gjë të keqe.

Shqiptarët janë ana tjetër e medaljes. Në Shqipëri, 81 përqind e shohin si gjë të mirë antarësimin në BE, krahasuar me 5 përqind të keqe, dhe 14 përqind që e shohin si gjë asnjanëse.

Kosovarët janë edhe më entuziastë se vëllezërit e tyre më në jug. 90 përqind e popullatës e konsideron gjë të mirë antarësimin në klubin europian dhe vetëm 3 përqind si gjë të keqe (a thua të jenë serbë?!).

Megjithatë, në këtë rast nuk fiton euroentuziazmi, por euroskepticizmi: sllavët e Jugut janë në rrugë më të mbarë se shqiptarët sa i takon antarësimit në Bashkimin Europian.

Tabela

*Blu= gje e mire (antaresimi ne BE)

*Gri= as e mire, as e keqe

*E kuqe= gje e keqe

 

Të fundit