Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shpërndanin heroinë në tri zona të Tiranës, në pranga katër persona

Politiko 20 Mars 2019, 08:27

Katër persona, mes tyre tre të rinj janë arrestuar nga policia, pasi akuzohen si shpërndarës të lëndëve të ndryshme narkotike, kryesisht heroinë në disa zona të Tiranës.

Sipas policisë, për të mos rënë në sy ata qarkullonin me mjete të marra me qira, ndërsa drogën e shpërndanin kryesisht në zonën e Kombinatit, Yzberishtit dhe rrugës së “Qelqit”.

Njoftimi i plotë:

Policia e Tiranës, plan të posaçëm masash në drejtim të parandalimit, evidentimit dhe goditjes së personave që merren me veprimtari kriminale në fushën e narkotikëve.

Finalizohet operacioni policor i koduar "Qelqi", ku gjatë operacionit u goditën dy raste të shpërndarjes së lëndëve narkotike në kryeqytet.

Sekuestrohen 1 kilogramë e 251 gramë lëndë e dyshuar narkotike Cannabis Sativa, si dhe 19 doza të dyshuara Heroinë

Në pranga katër shtetas.

Seksioni për Hetimin e Narkotikëve në Drejtoriën Vendore të Policisë Tiranë, në bashkëpunim me Forcën e posaçme "Shqiponjat", dhe Patrullat e Përgjithshme, në zbatim të detytrave të përcaktuara në planin e masave për intensifikimin e kontrolleve me qëllim rritjen e forcës parandaluese dhe goditëse në drejtim të shpërndarjes së lëndëve narkotike në doza të vogla , kanë finalizuar operacionin policor të koduar "Qelqi".

Si rezultat gjatë operacionit Specialistët e Seksionit për Hetimin e Narkotikëve në D.V.P.Tiranë, kapën dhe arrestuan në flagrancë shtetasit:

  1. Xh., 26 vjeç, banues në Tiranë

    S. D., 24 vjeç, banues në Tiranë

    A. B., 24 vjeç, banues në Tiranë

Tre shtetasve të mësipërm gjatë kontrollit të ushtruar në mjetin me të cilin po udhëtonin, Policia iu gjeti dhe sekuestroi një sasi prej 1 kilogranë e 251 gramë lëndë të dyshuar narkotike Cannabis Sativa. Këta shtetas kishin si qëllim nxjerrjen dhe shitjen e lëndës narkotike në zona të ndryshme të kryeqytetit. Për të shmangur dyshimet e Policisë mjetin me të cilin po qarkullonin këta shtetas e kishin marrë me qera.

Po gjatë operacionit ra në prangat e Policisë edhe shtetasi B. V., 55 vjeç, banues në Tiranë, i dënuar më parë për “Prodhim dhe shitje lëndësh narkotike”.

Policia dispononte informacione se ky shtetas merrej me shpërndarje të lëndëve narkotike të drogërave të forta, kryesisht heroinë në zonën e Kombinatit, Yzberishtit dhe rrugës së “Qelqit”. Lëndën narkotike ky shtetas e siguronte nga persona të tjerë, për të cilët vijon puna për kapjen e tyre.

Materialet iu referuan për veprime të mëtejshme Prokurorisë së Rrethit Gjyqësor Tiranë.

Të fundit