Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shpërthimi me tritol në Tiranë/ Sandër Lleshaj pranon dështimin e policisë, justifikon ngjarjet e pazbardhura

Politiko 15 Shtator 2020, 21:40

Shpërthimi me tritol në Tiranë/ Sandër Lleshaj pranon

3 ngjarje të rënda kanë tronditur vendin ditën e sotme. Vrasja në Rrogozhinë, e pasuar nga një krim në familje dhe më pas një atentat po në kryeqytet, kanë tronditur opinionin publik. I ndodhur përballë këtij bilanci tragjik vetëm brenda një dite, Ministri i Brendshëm, Sandër Lleshaj shprehet se kjo situate është vërtetë e rëndë, mirëpo nuk hedh poshtë punën e policisë.

“Dita e sotme është një ditë shumë e rëndë por është vetëm një ditë. Nuk na sposton, as nuk na vë në panik në punën tonë.

Di vetëm detajet që janë bërë publike. Nuk kam as vetë shumë informacione të detajuara referuar kësaj ngjarje. Po është e vërtetë që kemi një seri vrasjesh të ndodhura, dhe janë disa ngjarje të pazbardhura”, deklaroi Lleshaj.

Si e shpjegoni këtë zoti ministër?

“Janë vetëm, disa ngjarje të pazbardhura, të cilat mund të lidhen për shkak të biografis, por kjo nuk do të thotë që të gjitha ngjarjet janë të pazbardhura në kushte optimale”, u shpreh Lleshaj, duke shtuar se: Në qoftë se flasim për ngjarjen e sotme policia normalisht që dështoi. Por nuk mund të besojmë se policia do të parandalojë çdo lloj krimi. Në qoftë se besojmë se policia do parandalojë çdo lloj krimi, atëherë kjo është një alibi’.

I vënë përballë disa ngjarjeve të pazbardhura, Leshaj në Open” është shprehur: “ Ju keni detaje që jo domosdoshmërisht mund të jenë detaje të sakta. Megjithatë janë ngjarje shqetësuese, nuk mund ta mohojmë këtë, por janë disa në numër.”

Sipas ministrit Lleshaj niveli i krimit në vend është ulur, dhe se ngjarje të tilla që trondisin herë pas here vendin janë edhe si pasojë e ’97-ës.

“Ne edhe sot e kësaj dite ne vuajmë pasojat e asaj ngjarje fatale të hapjes së depove… Nuk jam në gjendje të prenoncohem për këto ngjarje. Ju thash që në fillim që nuk merrem me ngjarje konkrete. Unë merrem me fenomenet, raporte, dhe sigurinë në vend, jo me ngjarje konkrete si këto, pasi pozicioni im nuk është më i tillë. Di t’ju them që këtë vit kanë ndodhur mbi 2500 vepra penale dhe shumica e tyre mbi 90% janë zbuluar”, deklaroi ministri.

I pyetur në veçanti për vrasjen e Katriot Reçit, Lleshaj pohoi se policia gaboi në momentin të fundit në zbulimin e atentatorit të vrasjes së tij për hakmarrje pas konflikteve midis dy familjeve në Rrëshen dhe se atentati i sotëm dyshohet të ketë lidhje me këto ngjarje.

“Policia kishte një pistë hetimore që mund të çonte në zbardhjen e ngjarjes, por që gjatë hetimeve të mëvonshme kjo ra”. Po ashtu, ministri kërkoi mirëkuptimin që të mos t’iu bënte hetim publik ngjarjeve kriminale duke shtuar se: “Unë jo vetëm që nuk i di detajet për ngjarje konkrete por edhe nëse do t’i dija nuk mund të prenoncohem për një gjë të tillë. Ju i thoni sepse e keni lirinë për ta bërë dhe unë e mirëkuptojë kërshërinë tuaj dhe reagimin që ngjallin në publik ngjarjet kriminale, por mua nuk ma lejon detyra, edhe nëse do të dija detaje, që të përgjigjem për ngjarje të tilla.”