Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shqipëri-Itali, FSHF 'u fsheh' biletat tifozëve, nxjerr në shitje vetëm 30%

Politiko 15 Shtator 2017, 11:18

Federata Shqiptare e Futbollit ka njoftuar sot se kanë dalë në shitje biletat për ndeshjen Shqipëri-Itali, më 9 tetor, e vlefshme për eliminatoret e Kampionatit Botëror, ‘Rusi 2018’.

Në njoftimin e FSHF-së thuhet se “në shitje janë të gjithë sektorët duke filluar nga tribuna VIP, tribuna A, sektori D3, sektori D4, sektori C1 dhe sektori C4” dhe se këto bileta mund të blihen ‘online’ në faqen e institucionit. Por në të vërtetë, bileta ‘online’ në ka për të gjithë sektorët, por vetëm për pesë sektorët e përmendur në njoftim, çka do të thotë 30% e kapacitetit të stadiumit ‘Loro Boriçi’. Sa i përket sektorëve të tjerë, ato aktualisht nuk mund të porositen nëpërmjet internetit, ndërkohë që mungon edhe informacioni për çmimin e biletave.

Në tribunën C4, që ndodhet pas portës, çmimi i një bilete është 10 mijë lekë të vjetra, ndërkohë që rritet për tribunat e tjera:

C4 – 10 mijë lekë

C1 – 15 mijë lekë

D4 – 20 mijë lekë

D3 – 30 mijë lekë

A – 80 mijë lekë

Edhe në tribunat anësore ku ka bileta të lira, sërish pozicionet janë ato më pak të preferuara nga tifozët, të cilat ndodhen shumë pranë fushës dhe nuk të sigurojnë një pamje të qartë.

Probleme me biletat pati edhe në ndeshjen e Kombëtares Shqiptare me Lihtenshtejnin, pasi për shkak të çmimit të lartë, numri i tifozëve në ‘Elbasan Arena’ ishte shumë i vogël.

Të fundit