Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shqipëri- Itali- Mali i Zi, finalizojnë me sukses kapjen e trafikantëve të drogës në Adriatik

Politiko 4 Gusht 2017, 21:03
Shqipëri- Itali- Mali i Zi, finalizojnë me sukses kapjen e

 

Finalizohet më sukses operacioni antidrogë në bashkëpunimin trepalësh mes Shqipërisë, Italisë dhe Malit të Zi.

Pas pesë orësh ndjekje me mbështetjen e forcave ajrore të Frontex është bllokuar një gomone me kanabis në Adriatik, ndërsa janë arrestuar dy trafikantët shqiptarë.

Njoftimi

Finalizohet një tjetër Operacion ndërkombëtar antidrogë. Bashkëpunim trepalësh i policive të Shqipërisë, Italisë dhe Malit të Zi me mbështetjen ajrore të Frontex. Sekuestrohet një gomone në ujrat ndërkombëtare.

Arrestohen dy skafistët që ishin në bord. Trafikantët janë duke eksperimentuar, por pa sukses rrugë alternative për shkak të vështirësisë së hasur në ujërat shqiptare ku operojnë forcat e policisë së kufirit dhe të Guardia di Finanza të Nuklit të Kufirit Detar të Durrësit dhe Vlorës.

Informacionet kalojnë në kohë reale nga Italia, Shqipëria dhe Mali i Zi duke krijuar një rrjetë të pakalueshme për trafikantët. Ndjekja e gjatë prej pothuaj 5 orësh, bëri të mundur bllokimin e gomones së fuqisë së lartë me tre motorë.

Dy trafikantët u ndaluan në det të hapur nga Guardia di Finanza e Termolit dhe Barit të drejtuar nga avioni i Frontex. Forcat e policisë së kufirit të Shqipërisë me koordinimin e QNOD, NUFROM i Guardia di Finanza në Durrës dhe Vlorë dhe policia e kufirit të Malit të Zi kishin dalë në afërsi të kufirit Shqipëri -Mali i Zi ku edhe ishte drejtuar gomonia pasi i ishte afruar njëherë bregdetit të Termolit në Molizë nga ku edhe ka filluar ndjekja.

Gjatë ndjekjes trafikantët kanë hedhur në det ngarkesën duke e bërë më të vështirë ndjekjen. Tashmë trafikantët dhe gomonia janë sekuestruar dhe i janë dorëzuar autoriteteve gjyqësore italiane.

Vijon rikuperimi i lëndës narkotike, ku ende nuk dihet pesha, pasi për shkak të errësirës është vështirë rikuperimi në det i lëndës narkotike. Për shkak të sekretit hetimor rezervohen të jepen detaje.

Të fundit