Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shqipëria kërkon negociatat, shefi i policisë gjermane: Të krijohet ekip europian i hetuesve për të luftuar krimin shqiptar në BE; janë “shtet maskarenjsh”

Politiko 5 Shkurt 2018, 15:07

Shqipëria kërkon negociatat, shefi i policisë gjermane: Të

Në një kohë kur Shqipëria po pret hapjen e negociatave me Bashkimin Europian, shefi i kriminalistikës në qytetin gjerman, Lorrach, Valentin Persicke bën thirrje për krijimin e një ekipi europian me hetues për të luftuar krimin shqiptar në Bashkimin Europian.Stern

Në reportazhin re revistës gjermane, ‘Stern’, Persicke, i cili është pranë daljes në pension, e konsideron të dështuar karrierën e gjatë në polici, për shkak se në landin e tij komandon mafia shqiptare. Ai hedh akuza edhe ndaj zyrtarëve në Shqipëri, ndërkohë që vendin tonë e quan një “shtet maskarenjsh”, pasi ndihma për kolegët në Gjermani mungon.

Polici gjerman thekson se klanet shqiptare janë të vështira për t’u thyer për shkak se veprojnë ndryshe nga turqit dhe rusët. Anëtarët e klaneve nuk pendohen dhe nuk pranojnë të bashkëpunojnë me autoritetet kur arrestohen.

Reportazhi i ‘Stern’ është një goditje e fuqishme për Tiranën, në një moment kritik të procesit integrues. Pasi u mësua se Holanda është gatshme të tolerojë krimin dhe emigracionin shqiptar vetëm nëse qeveria shqiptare i dorëzon rrjetin e gazit të TAP, nga shteti më i fuqishëm i BE-së, Gjermania, vjen kërkesa për një ‘grup europian hetuesish’ kundër mafies shqiptare.

Artan Hoxha flet për herë të parë për frikën nga mafia: Nëse me vrasin, ta bëjnë me kallash ose bombë

Negociatat me BE/ Holanda si Greqia, kërkon sovranitetin e Shqipërisë për të mos vendosur veton; zbardhet kushti për Ramën

Pjesë nga artikulli:

Valentin Persicke përkulet duke sharë mbi një hartë të Europës në një zyrë paksa të zbrazur. Persicke, 61-vjeçar, është shef i Policisë Kriminalistike në Lörrach dhe kur flitet për shqiptarët mustaku i tij i bardhë llon të dridhet kërcënueshëm.

Persickes nuk i intereson aq se ç’po ngjet në oborr, atje po ngrihet një tendë ku do të mbahet një pritje për daljen e tij në pension. Por në ditën e fundit të karrierës Persicke shikon me hidhërim nga dritarja dhe thotë: «Kur i shikoj gjërat mund të them se jam i dështuar».

Qarku i Lörrach-ut është një idil, i rrethuar me vreshta, prej të cilave ke një pamje të mrekullueshme në drejtim të Alpeve të Zvicrës. Ky rajon është i famshëm për çokollatën Milka. Dhe për drogën. Në zemër të zonës së përgjegjësisë të Persickes gjendet njëri prej vendeve më të rëndësishme për shpërndarjen e drogës në tregtinë europiane: kufiri mes tri vendeve. Këtu, ku kufinjtë shtetërorë shkrihen në një rajon metropolitan, kalon një pjesë e madhe e mallit të kontrabanduar, i cili pastaj e gjen rrugën në qytetet e mëdha të Europës Perëndimore. Drogat vijnë nga skajet më të ndryshme të botës. Kokaina kontrabandohet kryesisht përmes rrugës detare nga Amerika jugore në Europë, e fshehur në kontejnerë ajo përfundon në portet e mëdha. Heroina arrin në Europë përmes rrugës tokësore, nga Afganistani përmes Turqisë dhe pastaj para së gjithash përmes linjës së Ballkanit në drejtim të Perëndimit. Te hetuesi Persicke gjendet një nga nyjat për mallin, i cili nga jugu i Europës duhet të transportohet në veri.

«Për këtë arsye shqiptarët janë këtu, për ta kjo është parajsa», thotë Persicke. Para disa vitesh ai ka qenë i involvuar në njërin prej aksioneve më të mëdha kundër krimit shqiptar të drogës. Të përkrahur nga Europoli policët nga Franca, Gjermania dhe Zvicra zhvilluan hetime gjatë një viti kundër një karteli të madh shqiptar të drogës, i cili operonte nga Lörrach-u. Ata përgjuan telefona mobilë, angazhuan informatorë dhe vëzhguan shqiptarë, pandërprerë. Në fund 450 zyrtarë bastisën restorante, kafene dhe banesa në tri vende dhe realizuan 100 fletarreste – madje edhe njësia speciale SEK ishte aktive.

Por katër javë më vonë gjithçka ishte si më parë. «Kjo nuk u bëri fare përshtypje shefave të klaneve në Shqipëri, ata thjeshtë dërguan njerëz të rinj», thotë Persicke.

Kjo është ajo risia që Persicken e bën të tërbohet në fund të karrierës së tij: ai përballet me një kundërshtar, i cili s’mund të mposhtet më me mjete normale të policisë. Është si në një sagë që Persicke ia lexon nipit të tij: nëse kreut të përbindëshave ia këput kokën, një kokë e re rritet.

E vetmja gjë që do të ndihmonte kundër shqiptarëve, sipas mendimit të Persicke, do të ishte një ekip europian i hetuesve, i cili pandërprerë dhe së bashku vepron kundër shqiptarëve. Sepse ata punojnë më profesionalisht se të gjithë ata që i ka parë Persicke në karrierën e tij të gjatë: brutalisht, efektivisht dhe tmerrësisht të heshtur. Në stacionin e policisë në Lörrach thonë: turqit arrin t’i zbulosh për shkak se janë vanitozë, rusët me familje, por shqiptarët, ata lindin pa gojë.

Kësaj duhet shtuar rrjetin efektiv të shqiptarëve në diasporë, i cili i mundëson mafies kontakte në mbarë Europën, në të cilat mafiozët mund të llogarisin deri në vdekje. «Nuk janë grupe të zakonshme njerëzish të dhunshëm, por njësi me organizim brutal dhe hierarki vertikale», thotë Persicke kur pak me vonesë niset për në Friedlingen. Në «fron», siç thonë në Lörrach.